منقول
احد المتقدمين لشركة الكهرباء يفصل الكشف الطبي خطوة خطوة
بسم الله الرحمن الرحيم
خطوات الفحص خطوه خطوه ...
خطوات الكشف هذه هي ......
بسم الله نبدا....
اولا بتروح المستشفى حاول تبكر شوي عشان تصير اول الناس وترتاح اكثر
المهم ....بتدخل وبتروح الويتينق ايريا ...مكان انتظار الرجال عند الرسبشن >>>الاستقبال
طيب ...تنتظر شوي ...بعدين تروح للاستقبال وتعطيهم بطاقة الاحوال تعطيها البنت اللي هناك وهي بتصورها
انت عطها وروح اجلس بمكان انتظار الرجال
....شوي حتى يتجمعون اغلب الطلاب و الاصح يجي الموعد الرسمي المحدد في الموقع
وبعدين بيجي دكتور سعودي لمكان انتظار الرجال وبيقول الاسماء انت عليك تسمع اسمك وتطلع له على طول
وبعدين ...بتروحون للاستقبال يرجعوون لك بطاقة احوالك مع اوراق الكشوف اللازمه كامله وعلب التحليل للبول والبراز ,,,الله يكرمكم...
بعدين بتكتب معلوماتك على اوراق الفحوص الكثيرة اللي بتعطيها لك الممرضه ...اسمك ورقم جوالك ومكان العمل ...الخ ((التسجيل لمعلوماتك بالعربي))
بعدين بالغالب لكل اربعه او ثلاثه طلاب ممرضه مرشده لهم
بتاخذكم الممرضه والله يكون بالعون يبيلك شوي انقلش لانهم مو كلهم يتكلمون عربي الممرضات (وعلى حسب اللي تطيح بيدها)
المهم تقول تعالوا بتروحون اول شي
....تروحون للمختبر ...بيسحبون دم ..وبعدين لدكتور/هـ الوزن والطول مع بعض الفحوص على الجسم <<بسيطه....
وبعدين تروحوا لفحص النظر .....ومن ثم تروحوا لفحص السمع ....وبعدين الاشعه ...وبعدين تخطيط القلب ...
نبــــدأ
اولا.... بسحب الدم ...ما يحتاج شي بس لاتكون خايف عااادي خلك ريلاكس بتاخذ دم وخلاص
...ثانيا ... الوزن والطول ...بتدخل عندد الدكتور/هـ وبيآخذون الطول والوزن وبعدها راح تنسأل كم سوال على المكتب بعدين يقولك روح على السرير ونم على ظهرك بتضع السماعه على صدرك ومن ثم يقول لك اجلس وخل رجلينك ممدوده
بعدين يحط يده على بطنك ويضرب باماكن يتاكد ما في مشاكل وبالظهر كمان وخلاص انتهينا من الطول والوزن
ثالثا..فحص النظر ... حروف E على شاشه تقفل عين وتفتح عين وتقول وين على الفتحه اللي موجوده بالحرف اليمين والا فوق والا تحت المهم
وبعدين يعطيك دفتر موجود فيه اختبار عمى الوان
ولكن بيكون للارقام الواضحه مو مثل ماراح تلاقون بالموقع بعض الارقام يصعب معرفتها شوي
وبعدين تضع وجهك على الة فحص النظر او الشبكيه بوضع الذقن على موضعه ووضع العين اما اليمين او اليسار في موقع الفتحه للفحص
وهكذا
وبعدين الجهاز الاخر والله اعلم يقيس مدا انقلاب الصوره في عينك وهو بنفس الطريقه السابقه ولكن يوجد داخل فتتحه العين منظر على بعد
قصير بحيث تتضح الصوره ومن ثم يقل اتضاحها تدريجا وهكذا,,,,,وخلاص
رابعا..اختبار السمع....
وهو.. بتدخلون بغرفة مثل غرفة اللي يغنون او ينشدون مكرفون وكرسي وسماعات الهيد فون >>سماعات الراس<<<
وبيكون معك يمكن اربعه طلاب بنفس الغرفه ...حاول توضح للطلاب اللي معك بالتزام الهدوء وعدم التحرك اي حركه لانها تاثر عليك بشكل كبير ووممكن ما تقدر تسمع الصوت عدل
والنيرس او المرضه راح تقولك انا باروح للغرفه الثانيه ويكون بين الغرفتين قزاز
واول اختبار على الاذن اليمين وبعدين اليسار وبتقولك الممرضه اذا سمعت صوت ارفع يدك وهكذا
وبكون الصوت قوي ثم اضعف تدريجا .....
خامسا ...الاشعه radiology
طيب تروح للاشعه ولا تخاف الممرضه راح تاخذكم للخطوات واماكنها خطوه خطوه بس لا تعتمد عليها حاول تنتبه
بعدين اول شي تفسخ الثوب ومن ثم يوضع وجهك للامام وكامل الجسم طبعا عى لوحه وتوخذ صوره مقطيه لجسمك للتاكد من سلامة العظام من كسور او اي شي......
سادسا.....تخطيط القلب ....نفس الحركه تفسخ الثوب ومن ثم تستريح على السرير
وترفع الفنيله الداخيه وتوضع بعض المعجون(شفاف اعتقد لونه) لمواقع محدده كبقعه في كل مكان من شان يحافظ على ثبات اسلاك الجهاز وتوضع على الساقين كذلك واليدين ,,,,,,وهكذا ...
وبعدين تحليل البول والبراز ...تضعه بالعلب ويسلم للمختبر ....
وبعدين تروح تفطر وبعد ساعتين تجي لكي يرتفع معدل الجلوكوز عندك ((السكر))
وتروح للطواري للمختبر تبعهم ويسحب منك دم وخلاص بس عليك خطوه اخيره تحاول تروح للاستقبال وتتاكد من انك خلاص خلصت
وبالتوفيق. للجميع....
وسلامتكم جميع .....دعواتكم لي بالتوفيق <<
وطبعا اللي وضع هذا شخص عمل الفحص وحب يفيدكمـ وانا نقلته لكم