السلام عليكم ورحمة الله وبركاته كيفكم يا أعضاء هالمنتدى الرائع؟ انا ماادور عن حل بس ابي اي شخص يدخل يقرا هالقصه او التجربه ويفهمها زين لانها ممكن تفتح عيونكم على اشياء كبيره واتمنى من خلال سردي لها التجربه يكون بينكم شخص يقدر يسوي شي او يوقف ضد الظلم اللي انا شفته اسمي شروق كنت اشتغل في شركه من اكبر الشركات في الرياض الشركه مقرها كان بعيد عن بيتي بعيد كثيييييييييييييير ومع ذلك ضغطت على نفسي لان عندهم ميزه نادرا نلقاها بشركات ثانيه واللي هي المواصلات رواتبهم كانت معقوله لحد ما الدوام كان دوامين صباحي ومسائي اشتغلت بكل ذمه وضمير الدوام كان 8 ساعات بس لان مقر الشركه بعيد عن بيتي كنت اقعد ١١ ساعه في الشركه كنت متحمله ضغط عمل لو يوزعونه على ثنتين ماراح يتحملون ومع ذلك صابره وفوق كل هذا ادرس بالجامعه انتساب وخلال شغلي بهالشركه كان الاغلب يحتاج مساعدتي لان حتى المدير للاسف ماعنده لغه فكنت اكتب عنهم الايميلات وارسلها حتى الايميلات الخاصه اللي تنرسل من قبل سكرتيرة نائب الرئيس كنت انا اكتبها لها وارسلها كنت جاده في عملي وعملائي ولله الحمد يقدروني كثير لكن المدير كان جدا استغلالي كان يضغط بشتى الاساليب والانواع يحاول يستنزف كل طاقاتي وفي اخر كل اسبوع كلمه وحده اسمعها "انتي ماسويتي شي" كنت انصدم وارجع البيت منهاره واحيانا ارجع البيت محمله بشغل لازم انهيه من خطط وتوزيع وقواعد بيانات اكملها وحاااااله ومع ذلك اسوي شغلي وانا مبسوطه اني انجزت الى اليوم اللي وحده تقدمت لوظيفه في الشركه هالبنت جايه بتوصيه من موظف بالشركه انا يوم قالولي عن اسمها انصدمت وفرحت بنفس الوقت لانها طلعت صديقتي جات صديقتي و سلموني مهمة تدريبها لمدة اسبوع هالاسبوع مر بمشااااكل في القسم طبعا صديقتي ماكان لها علاقه فيها المهم كملت تدريب صديقتي وفجأه قررو يحولونها على فرع ثاني لاستكمال التدريب طبعا صديقتي كانت تعاني من سوء اخلاق مدربتها في الفرع الثاني كانت تعاني وبقوووووه لحد ماجا يوم تعيينها كلموها وقالولها اذا تبين تتوظفين مالك غير فرع واحد وطبعا كان الفرع الابعد جددددا عن بيتها رفضت وقدمت شكوى لمكتب العمل عليهم وخاصة ان المدير اجنبي وطبعا صديقتي رفعت شكوى كبييييييييره باسماء اغلب الموظفات وانا كنت وحده منهم (الشكوى لها اسباب افضل عدم ذكرها) بعد كذا صار وضع الشركه صعب مكتب العمل يجينا باي وقت المدير صاير قلقان اكثر وخايف لانه مانقل كفالته عالشركه وطبعا اللي راحت ضحية هذا كللله انا لانها صديقتي وبحكم انها صديقتي فاكيييييد شروق عندها خبر ان هالبنت بتقدم شكوى وهالبنت ماراح تتركنا بحالنا او ممكن شروق تكون متواطئه مع هالبنت ومعطيتها معلومات عنا وعن شركتنا طبعا محد قدر يواجهني منهم لانهم ماعندهم دليل يثبت وفوق كل هذا اسمي انكتب مع اسمائهم تفاجأت بمديري يطلب مني اجي لمكتبه رحت له قالي راح نغير دوامك لاجراءات امنيه واشتغلت قرابة شهر كامل بدوام غريب عجيب ومع ذلك تحملت بعد اسبوعين من الموضوع ناداني المدير وقالي لازم تستقيلين روحي لعند السكرتيره وعبي نوذج الاستقاله ماتتخيلون كيف كان وضعي انصدمت طلعت من المكتب مسكت جوالي واتصلت على مستشار قانوني وبعدها كلمت مكتب العمل والكل قالي لا توقعين اي استقاله خليهم هم يقيلونك رجعت لمكتب مديري وقلتله انا مابي استقيل ماسويت شي يخليني استقيل اذا انتو ماتبوني اقيلوني قالولي كيييييف ؟ حقوقك ماراح تاخذينها لو فصلناك قلتله اقدر اجيب حقي قالي من وين انتي حتى عقدك سلمي عليه ؟ قلتله ليه؟ قال بسسس هذي سياسة العمل المهم تمسكت بكلامي وثاني يوم نقلو زميلتي اللي تشتغل في الفرع الثاني واللي اشتكت منها صديقتي وتكلمت عن سوء اخلاقها وخلوني انا اسلمها كل شغلي وطبعا ولله الحمد ماقصرت في اخر يوم لي رحت لمكتب المدير وطلبت خطاب الخبره قالي مالك خطاب خبره احنا ما نعطي خطابات خبره قلت طيب ابي خطاب توصيه قال ولا هذا انا اسف حاولت بكل الطرق ودخلت ناس كثير في الموضوع ولا في فايده طلعت من عندهم وانا خاطري مكسور عدت فترة اختباراتي على خير رجعت للشركه مره ثانيه عشان اخلص اموري الماليه معهم والشي اللي يضحك جد اني كنت مدخله فوق ال ١٥٠٠٠٠ ريال وعمولتي المفروض لا تقل عن ١٠٠٠٠ ريال لكن رفضو يعطوني اياها بحجة ان مبلغ قيمته ١٠٨٠٠٠ دخل في حسابهم ولكن العميل هدد بسحب المبلغ والمبلغ الباقي قالو انه مادخل في حسابهم للحين تدرون كم المبلغ اللي اعطوني اياه اقل من ١٠٠٠ ريال تحسبت عليهم كلهم وطلعت من عندهم ورحت لمير شؤون الموظفين ابيه يتعاون معي ويعطيني خطابي رفض يستقبلني انا وابوي وقالنا ارجعو لنائب الرئيس مع العلم اني ماتوجهت لمدير شؤون الموظفين الا بعد ماشاورت الاداره كلهم رجعت لنائب الرئيس تدرون وش قالي "مااقدر اعطيك شهادة خبره او حتى خطاب توصيه ولو اشتكيتي في مكتب العمل انتي اللي بتتورطين مو احنا " قلتلها بس انا لي حقوق انا تابعه لنظام العمل السعودي قالي "انتي مو تابعه لا لنظام العمل السعودي ولا لنظام اي عمل اخر " تدرون كيف كان فيسي اقسم بالله وربي شاهد على كل كلمه ان لساني انعقد ماقدرت اتكلم خنقتني العبره وبعد كل هذا شكرته وطلعت من مكتبها وانا اتحسب من قلب عليه وعاد تخيلو الموقف اللي صار طلعت من مكتبه ودخلت لمكتب سكرتيره وشكل نائب الرئيس ماانتبه لدخلتي وصدفه سمعته يكلم مدير شؤون الموظفين يقوله "لا تطمن خلاص انا قلتلها لو تروح لمكتب العمل هي اللي بتتورط .......انا ماابي اعطيها لانها صديقة ذيك البنت ...... ايه صديقتها " بعد ماسمعت الحوار شلت اغراضي وطلعت من الشركه بكبرها لقيت ابوي واقف منتظرني تحت الشمس تدرون وش كان ودي اسوي بهاللحظه كان ودي اطلع واقولهم انتو ماتسوون نص دقيقه من وقفة ابوي في الشمس ولا تسوون جيتي ولا دخلتي عليكم انتو مايملى عينكم الا التراب وعساكم تشوفون كل شي سويتوه فيني وفي غيري عساكم تشوفونه في عيالكم بس طبعا دعوتي لربي افضل من اني اطلع وانزل مستوياي لحثاله في مجتمعنا تحاول تستقوي ع اللي اضعف منها وداااايم اقول كل قوي يجيه اللي اقوى منه طبعا اكيد مستغربين كل هذا صار لي ولا رحت لمكتب العمل مارحت لاني ماحبيت امرمط ابوي وادخله بمتاهات هو في غنى عنها ومارحت لان القضايا العماليه تاخذ وقت اكبر بكثيييييييييييييييييييييييييييييييير مما نتصور ويمكن لاني وكلت امرهم لرب العالمين اللي ماينام واللي يمهل ولا يهمل سنه كامله اعطيتم كل شي عندي سنه كامله اديت وظيفتي بذمه وضمير بس عشان ابري ذمتي وللاسف مالقيت منهم غير الاهانات وعدم التقديييييييير طبعا دعيت من قلبي عليهم بس قبل كل شي دعيت ان ربي يعوضني باللي احسن منهم بكثيييير للحين ماتوظفت بس ان شالله ربي ييسر لي الوظيفه اللي استاهلها للي يتساءل عني وعن صديقتي انا واياها قطعنا وعد من زمان ان اي شي يصير بينا على الصعيد العملي مايأثر على صداقتنا و يمكن ماراح تصدقون لو اقولكم انها اكثر شخص وقف معي في مشكلتي الكبيره واكثر شخص حاول يخفف عني كل ماضاقت فيني الدنيا ااااسفه اني طولت بس هذي قصتي اتمنى تقرونها وتستوعبونها وياااارب محد فيكم يطيح باللي طحت فيه لاني جد مااتمنى هالشي يصير لا لعدو ولا لصديق