اقتباس:
المشاركة الأصلية كتبت بواسطة عبدالله الهويمل
هلا شباب موفقين ان شاء الله
توني قبل شوي مكلم ضابط كبير مسؤؤل رفيع المستوى في لجنة القبول والتسجيل بأحد مدن التدريب
وٍسئلته عن بعض الأسئلة :
انا / السلام عليكم
هو / وعليكم السلام
انا / كيف الحال طال عمرك
هو / بخير الحمد لله
انا / يابو فلان انا جامعي هل تنصحني اقدم على الامن العام وش الرتبة ؟
هو / والله براحتك بس راح اقولك من الحين تدريس مافية حاليا واذا جاك تدريس احذف البدلة ورح .. وبخليك متسبب بعد .. والرتبة وكيل رقيب لان تخصصك للغة عربية ..
انا / امممم طيب كم الراتب وكيل رقيب ؟
هو / تقريبا حوالي الـ 9 الاف ..
انا / طيب يابو فلان كم الدورة ؟
هو/ قال للحين ماجانا خطاب من وزارة الدخلية
لكن اتوقع والله اعلم اربعة شهور فقط .
انا / اربعة شهور ؟؟ تتكلم جد ؟؟
هو / نعم اتكلم جد وترا دورة الرقباء بمكة المكرمة والجنود بالرياض
انا / اهاا معلومة حلو بقولها للشباب بالمنتدى ..
انا / طيب الي معه كلية تقنية وش تعطونه ؟
هو / وكيل رقيب
انا / طيب انا معي غير الجامعه حاسب الي اقدر اكون اداري ؟
هو / الحاسب الالي مجرد شهادة والاتحديد التخصصات من عندنا .
انا / متى تبدا الدورة ؟
هو / في اخر شهر 2 وبداية شهر 3
انا / طيب تقدر تحطني إداري طال عمرك ؟
هو / عندنا ارقام إداريه نحددها اخر الدورة
انا / بيض الله وجهك لكن هل فية دوام بثوبي ؟؟
هو / ايه بالبحث والتحري كان تبي ..
انا / طيب بستخير وبستشير وبشوف وش يطلع معي وبعلمك
هو / ترا الششهرين الجايه بيفتح المباحث ومكافحة المخدرات وغيرها .
انا / بيض الله وجهك ..
هو / وجهك ابيض
هذي بالمختصر الي صار معي مع هالضابط الكبير وحبيت ابلغكم وادعولي بالتوفيق ..
|
\=> دورة الجندي اول .. 4 شهور !!!؟ ولا كم !؟!؟!؟! 
تكفى رد علي ي الهوووويمل . 