عشرة الانذال من نوع المسبـه...
...والمسبه نوع من نوع الاهانـه
والكلام اللي الظمائـر ماتحبـه...
...ما اقبله واحط له عندي مكانـه
والهزيلـه بالجزيلـه ماتشبـه...
...والامانـه ماتشبـه بالخيـانـه
والكلام الشين من طبع المسبـه...
....والوفاء لهل الوفاء واظمن ظمانه
ومن عطاه الله فكرٍ خـاف ربـه....
....والفكر للشخص تكريم وحصانه
ومن لعب به غي وقتـه ماتنبـه....
.....يحصد الا ثقال من جرت لسانـه
واللسان يطب به في وسط غبـه...
...غبةٍ منها الخطر ويقـل شانـه
في عيون الناس لو هرجه رغبة..
...ويعرفون اما غبـي ولا تكانـه
والذهب والماس معروفٍ مصبـه...
...والبشر كلٍ له اعـراف وديانـه