الموضوع ما يخصني بس حبيت اقول اللي اعرفو الناس هينا قبايل يعني لسته اسماء الطلاب حتجي الأغلبية المطيري، الظفيري، العنزي، الشمري ، الحربي ناسها طيبين بقووووه كلامهم متأثر بالكويت مرا المحافظة جالسه تتطور بسرعه يعني اللي يشوفها قبل خمس سنين ما يقول انها هيا دي نفسها فيها مطار لكن يقع في القيصومة مو مرا بعيده عنها فيها شقق الاسواق فيها سوق عام وفيها مركزين تسوق عقارية حفر الباطن و سارا مول وفيه كدا زي الشارع يسموه وطنية سنتر مطاعم فيه كثير اشهرهاا وانظفها صراحة "بابا سومي" وفيه مطاعم رز واشهرها "الكاتم" خطوط التليفون تبدأ ب *****0372 المستشفيات فيه مستشفى الدكتور نور خان " لحد يغلط ويحسبه للحين هندي تراه صار ظفيري من كم سنه " وفيه مستشفى الملك خالد العام المستوصفات الأهليه فيه مجمع مروم الطبي ومستوصف الحمران ومستوصفات ثانيه السلع حسيتها اغلى من جده بصراحه ما ادري ليش حتى الاشياء الي في السوبرماركت جوها احسه جاف يعني لازم دايما كريم بصراحه حرها حرررررر وبردها بررررررد عمري ما حضرت بردها لكن الوالده تقولي مررررا برد ممكن تنزل للصفر وتحت الصفر احيانا ربيعها حلو مرا يعني تصير الدنيا خضرا ويكثر التخييم والفقع وسعره يوصل للسما عيالها وبناتها حلوين يعني حيفتحوا نفسك الطلاب عالصباح وبس دا اللي في بالي الحين والله يوفقكم يارب