اقتباس:
المشاركة الأصلية كتبت بواسطة مازن الحربي
شباب فيه احد اتصال عـ الاستاذ سامح
نبغى نعرف كيف طبيعة العمل والساعات
|
خذ العلوم ياطويل العمر
انا رحت للأستاذ سامح في مكتبه شركة>>شركة المجال -شارع فلسطين-خلف فندق رمادا-المبنى الغربي -الدور الثاني تطلع مع الدرج تدخل مع الباب تروح يمين تلاقي مكاتب على يمينك ويسارك تمشي شوي تلاقي دخله يمين تدخل معاها وترووح لأخر مكتب على يسارك.
الوظائف عباره عن مراقبين في مطار الملك عبدالعزيز -الشحن الجوي براتب 3000 ريال بدوام 8 ساعات بنظام شفتات وفي دوره في هيئة الطيران المدني لمدة اسبوع.
اذا توظفت عندهم اجباري انك تجلس معاهم لمدة سنه واذا مشيت وماكملت سنه لازم ترجع لهم حق الدوره 3500 ريال.
الوظيفه بصراحه مناسبه لخريجي الثانويه>>> او واحد ماهو مرتبط بتعيين او حاجه زي كذا.
وعلى فكره في وظائف كمان في الأرقام السريه في نفس الشركه.
وفي وظائف عندهم حقت جامعة الملك عبدالله في ثول رواتبها ممتازه وفيها شوااغر.
اللي يبغى يستفسر عنها عند حارس الأمن اللي اول ماتخش تلاقيه على يسارك.
واي استفسار انا حااضر.
ودعواتكم لي بالتعيين يارب.