المشاركة الأصلية كتبت بواسطة خبير عاطل

حبيبي يا ولد مكة ... بالنسبة للموقع اللي تقول عليه موقع معروف عندي لآآآآآخر درجة ...هههه والسبب أني استأجرت ثلاث سنوات متتالية في ذاك الموقع ... بس ما هو في مبنى الجمعية ... فوق عنها في الطلعة .... وكان دكاني 4×8 ... والحمد لله على كل حال ... السنة الأولى كان الإيجار "15000"ريال .... والسنة الثانية والثالثة كان الإيجار "25000"ريال... وكان هذا الكلام السنة قبل الماضية... لأني في حج 1431هـ استأجرت في العزيزية... ما لك بطوالها يا غالي ... ثلاث سنوات كانت بشكل تنازلي ... السنة الأولى كانت الأفضل... والسنة الثانية كانت مش قد كذا والحمد لله ههههههه .... والسنة الثالثة كانت طيبة جداً... ونسيت أقول لك ان نشاطي كان خردوات ومفروشات (( يعني سجاجيد وخلافه)) .... بالنسبة للخردوات الربح فيها تقريباً "30%" ولا تصدق اللي يقول لك ان الربح فيها "100%" ... صحيح البناجر الهندية تشتري الدرزن بـ "8" ريال وتبيع الحبة بـ "3" يعني المجموع "36"ريال ... لكن أيضاً حنة (راني) تشتري الكرتون بـ "720" فيه "48" حبة وتبيع الحبة بـ"18" واحسبها تطلع خير من الله بس النسبة زي ما قلت لك....بعد هذا الكلام كله أقول لك بالفم المليان ... أدفع "5000" ريال إيجار ...و"500" ديكور إذا مافيه ديكور... و "20.000" بضاعة ... وإن شاء الله راح تخرج من الموسم وتتزوج على طول ههههههه ... عزيزي يمكن كلامي فيه شي غامض .. أو حبيت تسأل عن شي أنا ما وضحته ... ما أقول لك إلا """"" تأمر أمر يا ولد مكة """"""" وسامحني على الإطالة