السلام عليكم مع الاسف كنت جاي متاخر المهم ياصديقيني فيه عسكري عند الباب طبعا الموقه وانت جاي من عنيزه رايح لبريده تعدى كبري الرياض وتطول لين تجيك اشارة الجامعه تطلع معها يمين واول لفه يسار تلف معها بتجيك بواوبتين حقات الجامعه قبلهم على يمينك هنا موقعهم طبعا الشعب اغلبهم لابسين ثياب محد متبع الانضمه الي لابسين بدال انا ونفرات شوين المهم تجي للعسكري الي عند الباب طبعا انا متاخر شاف اسمي وقالي وقف انتظر ندخلك مع الي بيجون وقفت دقيقتين ودخلني تمشي مسافة 250 متر وتدخل مكان كنه مسرح فيه وكيل رقيب قاعدن يعد الاسامي تسمع اسمك تروح توريه شهادتك ويحط صح ويقولك رح اجلس انت دور اقرب مكان قدام علشان بالترتيب ياخذون الطول المهم تدخل تاخذ الطول ويقول ورني شهادتك الصوره يشوفها ومدري وش يسوي يكتب شي بالورقه طبعا طولي بالدفاع المدني 179 هنا طلع 179 ونص شد جسمك وخلك رجال وماعليك من احد . اذا خلصت ترجع تجلس تمسك سرى اذا جا دورك تقوم تجلس عند واحد ياخذ بطاقتك ويسجل بياناتك ويقولك عطني ثلاث صور وعنده دفتر كبير لونه اخضر لك هالدفتر هو بيكتب اسمك وكل معلوماتك ويلزق صورك ويختم عليهن ويعطيك ورقه صفرا موجود فيها موعدك ويقولك رح انتظر وتمسك سراى طبعا سرى على كرسي جالس وتروح لااخر واحد يسألك عن مؤهلك وكم رقم جوالك ورقم ثاني طبعا تعطيه بطاقتك وورقة الموعد الي اعطاك اياها الي قبله يسجل موعدك وتنتظر علشان تاخذ الدفتر الاخضر الي بتوقعه عند العمده والشرطه وتكتب فيه معلومات والوعد بشهر واحد يوم واحد ملاحظات:اذا كنت بتسأل شفت احد انكرش بقولك ماشفت ولا نفر تم كرشه اهم شي رقم الطلب الي بالورقه لاتنساه او اهم شي تجسي ورقه الي فيها اسمك ورقم طلبك وزن ماقاسو الوزن وشفت واحد دب قاله انتبه لنفسك خفف هذا كل الي صار اي اسئله او استفسارات هاتهن كان معكم محدثكم من قلب الحدث سيف الشعر نسيت اقولكم شي هذا صار بالقصيم لايجيني احد من الرياض ويقول كلامك تسذب