في خاطري ضيقة وهم وهواجيس=لو تنكتب في طرس رَوّح دشاشي
اليا انتصف ليلي تجيني مراويس=مثل المزون اللي تهل الرشاشي
ان جيت اصك ابوابها بالمتاريس=زادت علي ولا يفيد التلاشي
وان سبتها تشتب كل الحواسيس=مافيّ عرق الا بهمه يشاشي
ماغير اسايسها بحكمة وتسييس=واهدي نقاشي ليا جاش جاشي
وانا دموعي في عيوني محابيس=مادونها لو زاد معها نقاشي
في كل ليلة ينولد همٍ مديس=اثر الليالي من همومي حواشي