شف اخوي قل لابوك كلمتين بس بعد قلها من بعيد والا انت مسكر عليك الغرفه لا يذبحك المهم
قله يبه شفت هالخير كله وفلوسك كلها اذا مت من بيورثها انا حتي لو انت تككرهني لي فيها نصيب اشقى قد ماتقدر عشان تريحني بعدين وشفت الواحد لما يموت يبقا له الولد الصالح يدعو له انا يبه ولد صالح بس ماحبيتني ولا خليت لي فرصه ادعي لك اذا مت انا بدعي لواحد من اساتذتي كان لي ابوهذا الكلام لبوك.
الكلام اللي لك
اول شي عليك بالاستغفار ماراح اذكر لك فوايده لاني احس فيك الخير الكثير فاكيد تعرفه المهم
ثاني شي بعلمك بشي هذا سر من اسرار تفريج الكرب بتستغرب من كلامي لكن ان سويتاه انا اراهنك حتي لواتابع موضوعك انك بعد اسبوع بتكتب التغيرات اللي بتشوفها وبتدعي لي
شوف هذا سر ولو مااازمتك ماقلته لك ببلاش ماهي كلمات دنبشه ولا يحزنون المطلو ب هو انك ماتسكت ابد عن الشكر لله
بتقول هذي ماتفهم انا اشكي وهي تقول اشكر اسمع
انا خبره كبيييييرررررررره في الحياه لاا وانا بنت بعد ومرت ظروف علي ظروفك ولا شي علي الاقل انت ولد مليت صفقت بالباب وهجيبت
المهم اشكر الله علي كل شي تشوف فيه نعمه لاتقول مافي شي ترا ابن ادم منكر للمعروف والنعم واولهم انا بس بقولك مثلا
قل الحمد الله ان الله اختارني ولد مااختارني بنت والاكان تعذيبه اعظم
قل الحمد الله اللي انزل في قلبي خشيته ورقق قلبي علي امي وحفظني وماخلاني مدمن والا صايع من ضغط الظروف
قل الحمد الله خلقني الله معافى ماخلقني معاق يكفر فيني ولا اقدر انحاش من ضربه
قل الحمد الله علي جميع نعمه والحمد الله انه ثبتني اني مامديت يدي عليه فيرميني الله بالنار لا دنيا ولا اخره والحمد الله ان لي رب يسمع ويرى وهو اعلم بالحال مني ومافي شي يضيع بالكتاب كل شي بلقاه بالاخره
تخيل كل هالطق والتعذيب بتلقاه في الاخرره اجر عظيم
قل الحمد الله علي الاقل معي شهاده الثانوي لو اتوظف كاشير او غيره لو حدت الظروف
المهم اقعد اشكر طول اليوم
واذا شفت ابوك والا سمعت حسه قل اللهم اني اضعك في نحره واعوذ بك من شره ماعاد راح يقدر عليك وبيصرفه الله عنك باي شي
حاول تتجنبه
شفت في ابو ريالين خاتم تسبيح بس انا استخدمه للاستغفار خذه واقعد استغفر كم مره لين الله يفرجها
صدقني هالاسبوع اللي بتسوي كذا بتشوف تغير
وعلي فكره اهجر كل مايغضب الله اذا عندك محرمات اوشي قنوات اوغيره ماتدري يمكن يكون هذا الذنب سبب في مشكلتك
والله يفرج همك ان شاء الله وبكره تتزوج تجيب عيال وتروح الدنيا بحلوها وشرها.