البعد الخامس
الطموحة 2008
لتوضيح معالم الساعة الخامسة و العشرون ... فليدلي كل منكم بدلوه ..مهما كانت الاراء و الاقاويل .. و لتُحاسِبوا او تٌحاسَبوا
فاما ان تدينوا أنفسكم .. او ان تدافعوا عن عقولكم .. بشرف ...
فلتحسنوا قرأتها .. يا أولي الالباب ...
و لا اعلم اي من الح***ن احصى لما له او عليه .. من الحقائق
فلتلبثوا في الحق بضع دقائق مع انفسكم .. حتى انقضاء الساعة
و ليعلنها احدكم بصراحة .. لنا ... و لا تأبه لمن يختنقون ... او على إثر رأيك يتنفسون ... واجه الكل و انت من ضمن الكل .. و ابسط لنا رايك
على مساحة واسعة من النقاش ...
رأي احد المثقفين ( د / صعب بن محمد الزعيمر الشراري ) من افراد المجتمع السعودي في ابناء جلدته ::
حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون ..
حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .
حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل ..
حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل ..
حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .
حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .
حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .
حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا .. ونشوف الأجانب أقل مننا . إلا من رحم ربي .
حنا اللي نشوف البنت مخلوق ناقص ومالها رأي. ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي. رغم أن بنات البدو يسوقون السيارة في الصحراء من زمن. من دون خوف ولا وجل . ومن دون إعتراض الأهل ..
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.
حنا اللي عندنا أغلى المهور في العالم. ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .
رغم الحقيقة والألم..
حنا السعوديون أحسن المسلمين والعرب
بعد القراءة اعد في راسك السؤال كرة اخرى ..
و لا ترد لنا الجواب خاسئا و حسيرا
المملكة العربية السعودية من الدول النامية .. و تعد من دول العالم الثالث
هل ترى عقليات المواطنات و المواطنين السعوديين .. تنافس في الترتيب و الرجعية مع الدولة
و هل أنتم مواطنون ذو عقول من الدرجة الثالثة ... ؟؟