[GRADE="FF4500 4B0082 0000FF 000000 F4A460"]
للضيق وقت وللحزن دايـم اسبـاب
وللصدق دافع والوفا صـار معـدوم
ماعاش عمره بهالزمن غير كـذّاب
والصادق الوافـي محقّـر ومظلـوم
اسرق وانهب ينحسب لك كذا حساب
وعيش بتواضع تعتبر شخص محروم
نافق وجامل ولا تَكَدر مـن عتـاب
واكل حلال الغير محـدن لـك يلـوم
هذا زمـان بـدل احبـاب باغـراب
هذا زمـان بـدل الضحـك بهمـوم
امور صارت في زمن تعجب عجـاب
يالله عساك تزيـن الحـال هاليـوم
ول يازمـان بـدل المسـك بتـراب
وول يازمان بـدل شيـوخ برخـوم
[/GRADE]