عرض مشاركة واحدة
  #8 (permalink)  
قديم 23-11-2011, 04:20 AM
الصورة الرمزية فاتنه
فاتنه فاتنه غير متصل
نجم المنتدى
 
تاريخ التسجيل: May 2009
الدولة: حيثما اكون.......
المشاركات: 8,809
معدل تقييم المستوى: 21474884
فاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداعفاتنه محترف الإبداع

اقتباس:
المشاركة الأصلية كتبت بواسطة وارد التسعين مشاهدة المشاركة
قبل شوي كنت طالع من طريق خريش في الجسر المعلق على مدخل برشلونه
عسى بس المدخل مو في السعوديه عز الله شطحنا ونطحنا
ولقيت الاعب ميسي مبنشر وهو كان صديق قديم من ايام الدراسة كنت انا واياه متفقين كل شخص يجيب فطور من بيته ويوم اجيب صامولي واحشيه طحينيه ويوم هو يجيب هوت دوق فيه شوية حلبه
صدقني ميسي اللي تعرفه مزور من يوم قلت انه يحط حلبه
ويالله ذكريات حلوه معه المهم مالكم بالطويلة وقلت له وينك من زمان ما اشوفك الا بالديربيات قال خبرك لزوم الشغل ونكد على العيال ومصاريف واقساط وماندري يا وارد التسعين نلاقيه من الاتصالات ولا ساهر الاسباني ولا المباني الحكوميه الي سواها خوان كارلوس الثاني قبل الي كان في معاهدات في الدولة العباسية وكانت سفارتهم بقرطبة تخبرها قلت ابد سلامتك واصل وبدا يشكي لي وضعه مع برشلونه وان بعد ماطبقوا نظام البصمة بالحضور والانصراف صار متبهذل لدرجة أنه حاول يشوف له تأشيرة لسعودي بوظيفة مراقب دوام علشان يظبطه وماقدر يقول السعوديين رافضين عشان برنامج اسمه حافز وسالني وش هو حافز وقلت له ان حافز هذا قرار للناس العاطلين يعطونه الفين ريال وهم ببيوتهم وصراحة بعد ماقلت له الكلام هذا انلخم واندهش (طبعا لايفوتكم كل هذه السواليف والي الان وهو يفك الصامولة حق الكفر ) وفك الصامولة وقالي هل النظام هذا للسعوديين ولا حتى الاجانب


طبعا انا وقتها ضحكت وقلت له ان الاجنبي عايش احسن من السعودي ببلدنا وبالعكس مايحتاج حافز يحتاج ضريبة على المليارت الي تتحول من البلد

والمهم بدا يتم تم ويقول انا معجب بحافز ولو فيه للاجانب راح اترك برشلونه واجيكم بتاشيرة سائق خاص بس مالك شغل فيني تجيبني ومالك الا الف بالسنة وتجديد الجواز علي

قلت له تعال واعينك بدال ريكارد وضحك قائلا

لابو شكلك الصامولة انحفرت وانا من اول ابي اطلعها وعكستها طلعت اشدها

ومن خلال السواليف قلت له تخش النت قال ايه اخش اليوتيوب وموقع كورة الاسباني وموقع حلول البطالة
مادام انه يدخل البطالة مافيها كلام عاطل بالسنوات

قلت له معقوله تعرف حلول البطالة

قالي ايه وانا عضو فيه من عام 2005 وانا دايم ردودي الي اذا شفت واحد مسجل جديد عام 2011 اقعد امسح فيه الارض لاني احسه يكتب الموضوع وجنبه شكولاته كيندر
قوله وانت الصادق بجنبه ثلاجة قهوة بالزنجبيل

وقلت له وش رايك بالمنتدى قالي صراحة اتابعه واستمتع فيه خاصة اذا خشيت مواضيع قاصر الشر ولا فاتنه

ولا المحترم عاليمول ولا أترجة ولا الستاذه حجوبه ولا مواضيع واحد يبي فزعه

وحتى لا اطيل عليكم في الموضوع راح اتابع معكم لاني الان اكتب من الجوال وهو قدامي خليني اساعد الرجال على الصاموله وبعدين اكمل معكم لانه عزمني على البيكشن وهو مطعم ارجنتيني يجتمعون فيه البرازيلين وصاحب المطعم برتغالي والمباشرين يمنيين من الحديده
ماعندهم وظائف؟
واصل ابداعك خطوة جيدة في عالم الكتابات و التأليف
ننتظر ماتبقى من القصه
بالتوفيق
رد مع اقتباس