اذا كان رب البيت للدف ضارب .. فما شيمة اهل الدار سوى الرقص
السبب الرئيسي يرجع للأب.. اذا الأب يدخن .. راح يدخنون الشباب الذكور..
والكلمة اللي نسمعها كثير الدخان يهدي الأعصاب.. يريح..
مشكلة انه الطفلة من تنولد تشم ريحة السجاير.. تتعود عليها.. مع الوقت تصير اذا فقدتها تحس بصداع..تصير تبغاه..
اليوم البنت بكل مكان تشم ريحة السجاير.. مافيه احترام من الشباب انه ممكن تضر غيرك..يصير جسمها متشبع من ريحة السجاير.. وهذا فعلا لمسته في مجموعة من البنات..كانوا يتعمدون يدخلون المجلس وغيره وابوها يدخن او اخوها..لانه تشتكي دائم من الصداع ما يوديه الا ريحة السجاير.. وصعب تعرض حالتها على دكتور..يعني البنت الحين صارت ضحية..يلزم لها علاج..
السبب الثاني:
الوفود وانتشارهم الرهيب.. مع فكرهم..كنت اسمع وانا بالمتوسط والثانوي بنات الغير سعوديات يتكلمون عن الشيشية.. وانهم يشربونها..وانها عادي وان امها واختها يدخنون..وما صار فيهم تشوهات جينية ولا غيرة..بالعكس شقر وعيونهم خضر..
ولما كنت موظفة لقيت مدرسات ((دين)) يخزنون.. ياكلون القات.. وبكل وقاحة تقولك انا اخزن وتقولك الانواع وفرقها.. وعادي مو فارق معها حلال والا حرام.. وشوي تدخل تشرح للطالبات درس بالدين..!!!!
كظاهرة هي قديمة..
لانه في زمن من الازمان كانت من العوائل السعودية بدون ذكر اسماء.. كانوا الحريم فيها كثير يشربون الشيشية.. بشكل رهيب.. وما احد يستعيبه..
ختاماً..
الله يهدي الاباء والاخوان لترك التدخين..لانهم بتركهم للتدخين .. مستحيل البنت تدخن..