اقتباس:
المشاركة الأصلية كتبت بواسطة سلمان الراقي
نواز شريف
الله يسعدك ممكن تقؤلي كيف كانت المقابله بالتفصيل
|
نواز شريف هذا رئيس باكستان (( اسمي فيصل )) بس لما سجلت قبل اسبوع المنتدى ما رضي يقبل اسمي فيصل جبت كل الاسماء فهد عمر صالح فريد برضه ما قبل فجاء على بالي نواز شرف وقبلني المنتدى على طول عقبال ما يقبلوني في وظيفة .
أخو سلمان المقابله على حسب مثلا قريبي راح للمقابله وكان الجماعه في المكتب عندهم ضغط عمل قالوا لقرسبي هذا بعد ما شيكو على رقم الطلب على الجهاز فلان ؟ قله إيه قال خلاص رح .
أما أنا (( جلسوا معي نص ساعة الربع كانوا رايقين وكان يوم الخميس عند المهندس عبدالحميد )) .
الرجال بن حلال وطيب مره لدرجة ان المقابله كانت أكثرها ضحك وفرفشة وكان معنا كذا واحد من موظفين بن لادن في نفس المكتب الصغير .
واحد يقرأ جريدة والثاني يدخن والثالث موظف رجل سلامة مخلص العمل وجاي يرتاح في مكتب المهندس .
اول ما وصلت تلقيت اتصال وأنا قريب من الشركة من واحد قلي الاخ فيصل قلت ايه قلي معك شركة بن لادن فينك قلت قريب المهم وصلت لباب مكتب المهندس قالوا الجماعه هذا فيصل وصل .
دخلت قلي المهندس فيصل ؟ قلت ايه ، قلي كم رقم الطلب حقك وكتبه وطلـّع بياناتي كلها حتى صورتي الشخصيه لقيتها منوره شاشة الكمبيوتر .
قلي فين ساكن قلت ؟ ومكة ، قلي ايش ساكن في ؟ وفي مكة (( دولي )) ضحكت وضحكوا كل اللي في المكتب قلت ساكن في ؟ وليه قرايب في مكة أكثر الاحيان اجي مكة .
قال يعني اذا لك غرض في مكة تقضيه وتروح ؟ قلت ايه .
قلي ايش تخصصك قلت دبلوم حاسب شبكات ، قلي اشرح ليه وشهي الشبكات بديت اتفلسف .
قلي كويس (( التخاطب 10 )) وكتب التقييم في ابلكيشن قدامه .
قلي اش تعرف عن مسمى (( سلامه )) قلت من خلال خبرتي ... قال اييييييييييييوه ابغى خبراتك في هذا المجال ، قلت (( أخرج لموقع العمل أشيك على لبس العمال اذا مهب لابسين لبس السلامة أنبهه وأتعامل معه بكل أدب واذا تمادى وما لبس أرفع فيه للمدير العام )) .
قلي مضبوط ما شاء الله عليك .
ناظر لمنظري قال ، المنظر العام مضبوط قلت لو دريت كنت لبست غتره وعقال .
قلي لو لبستها رسبتك (( يمزح معي ))
قلي ان شاء الله اسبوعين ندق عليك تروح جده تسوي الفحص الطبي وتعطيهم رقم حسابك في البنك .
باقي المقابله سوالف مع اللي في المكتب .