السلام عليكم ..

شباب .. أنا موجود بأمريكا .. و قابلت لي واحد من الأمريكان .. عنده معدات صناعية و كذا .. المهم من السوالف قمنا نتكلم عن التجارة .. الرجال قال لي لو بغيت أعمل في السعودية و أصدر لها الموجود عندي و يكون ع التصريف هل ودك تعمل؟ قلت له أكيــد .. المهم قلت له خل بيني و بينك تواصل بعد اسبوعين من الآن لأن اختباراتي بتنتهي إن شـاء الله .. قال لي الرجال أوكي بيننا تواصل ..

شباب .. ودي أعرف وش السالفة بالضبط؟ أقصد الرجال قال لي بعطيك السلع و انت اشتغل على التصريف .. المشكلة ما اعرف شي عن الإستيراد و التصدير و غير كذا ما أدري كم التكلفة حقت التصدير و الاستيراد .. فيه نصائح؟

أتمنى الإجابة على هالأسئلة :-
1- هل يجب أن يكون عندي سجل تجاري؟ أي سجل؟
2- هل لازم يكون لها مقر المؤسسة مثلا؟

أنا ما أدري يا شباب وش السالفة و صرفت الموضوع عشان أجمع معلومات و أبين له تراني معك في الخط و فاهم السالفة ... يا ليت تعطوني نصايح وش مفترض يكون عندي عشان استورد بالله؟
وش تتوقعون يسـألني ؟ يعني أخاف يخمني بسؤال بديهي لشخص يعمل في الاعمال الحرة و الاستيراد و التصدير و يبين ان ما عندي سالفة و يخاف من انه يتعامل معي



يا ليت تساعدوني