تعيينك بمدينة الملك فهد العسكريه ؟
مبروك الوظيفه وعقبال الزوجه والذريه الصالحه
الدوام من مسمى الوظيفه انه بيكون رسمي من ٧ ونص الى بعد صلاة الظهر او الى الساعه ١
الاجازات عندك اجازه عرضيه ١٠ ايام تقدر تخليها ٥ ايام مع خميس وجمعه وتاخذ ٥ ايام بعدين طبعا داخليه او خارجيه
وعندك اجازه اعتياديه ٣٠ يوم تقدر تاخذ منها ١٥ يوم او تجمعها رصيد لك للسنوات الجايه ما تروح عليك وما تقدر تاخذها الا بعد سنه من تاريخ تعيينك
وعندك اجازه اداريه اتوقع ٣ ايام اذا بتراجع دوائر حكوميه
وعندك اجازة اختبارات اذا كنت تدرس
الترقيات اول شي انت وكيل رقيب يعني مو بعيد عن رئيس رقباء اذا صار ملفك نظيف
بس بالبريه عندهم نظام اذا جتك الترقيه ينقلونك
الراتب ارجع لراتبك الاساسي واخصم منه التقاعد ٩٪ واضف عليه البدلات عندك نقل واعتقد اعاشه ويمكن تاخذ شي يخص الكمبيوتر او تاخذ علاوة الشهاده اللي توظفت فيها
انا بالجويه يمكن فيه شي صح عندي ويمكن فيه فرق لكن اتوقع كلها قريبه من بعض بالقوات المسلحه
الله يوفقنا وياك