أنا بديت تجارتي الله يسلمك بــ 500 دينار <~ ماخذها سلف من أمي

كنت أشتغل بالعمله شوي شوي لين صار عندي راس المال

وفتحت أول مشروع كان عندي بغرفتي اللا وهي نسخ أفلام الكرتون وبيعها على محلات الديفيدي وبيعها على الهنود فكنت أربح منها رزق ماشاء الله

ومرا من المرات تاجرة بالقطط نعم القطط ورحت فيها ماتتصور كنت ادفع 200 دينار بشهرين اجيب 1500 دينار من ولادة القطه لأنها تكون نوعها مميز ومرغوب وبعد ماعرفت انها حرام تجاره مشبوه تصدقت بالفلوس هذي ريعني الل ي ابيك تستفيد منه اول شي شوف المجال اذا فيه شبه اتركه و الله يعوضك و اقولك اذا كنت اول مرا تسوي مشروع ماانصحك بالمية الف انصحك تبدي بربع المبلغ حته ترا التجاره مو راس مال ترا التجاره افكار ومخ يعرف يحسب و يعرف يفكر صح أنا بنسبه لي ماعمري جيت تبوك بس حاول تشوف لك مشروع مرغوب فيه داخل مدينتك و انصحك في اول بداية مشوارك أبعد أبعد عن الاكل و المشاريب (( مطعم - مقهى - .. الخ )) لأنك راح تدوخ و لأنك اول مرا تسوي لك مشروع وحاول تبدي بمشاريع صغيره عشان تعطي نفسك دافع أنك تقدر تنجز و فقك الله أخوي