وش يخاف منه الله يهديك انت واياه
ما سوى شي هو !!!

وبعدين انا لو أنفع اني اتكفل فيها كان ماعلينا وربي لأشيلها عندكم واسعى وراها لين ألقى علم

لكن انا موظف ولو ناقشوني او طلب مني المكان اللي قدمت عليه وش بقولهم !!!!

واقل شي بيقولون مو من شؤونك هالشي دام انت موظف تحمد ربك وخل اللي له الشأن يكلمنا او يراجعنا

وترى الشغله ما تخوف ولا فيها هي بتوصل للمسؤل وبيشرح عليها يا ايه او لا او للدراسه
واذا يبغون شي او بيسألون عن شي بيدقون وبيبلغون اللي اسمه موجود بالإرساليه


والله ثم والله ثم والله لو ادري انهم ما بيمسكون علي درب زي وين قدمت او وش مشكلتك ومن هالكلام لأتكفل فيها لكن انا على إستعداد آخذها واتكفل فيها بس لو صار اي شي وحفظوها لسبب اني موظف او مالي علاقه بالموضوع لا من قريب ولا من بعيد وش إستفدنا وقتها !!!!

انا ودي بواحد من اللي يعانون من هالشي ياخذها ويرسلها
طبعا الإرسال راح يكون لـ 3 جهات
1- الامير نايف
2- الامير أحمد او الامير محمد بن نايف واحد من منهم
3- لجنة الشؤون الأمنية بمجلس الشورى

انا معكم وتحت امركم باللي تآمرون عليه واذا فيه احد عنده إقتراح او حل او اي شي يساعدنا
يقوله ويشاركنا ونبحث الموضوع ونفكر فيه كلنا ونتفق على شي معين ونمشي عليه .؟!؟!

*ياليت تقوله يرسل صورة منها للإيميل اللي ببداية الموضوع