حياك الله اخوي سعد
بالنسبة للفتوى الشرعيه انا والله ما اقدر افتي لك بشي
لكن خذها مني قبل سنتين جاني عرض في البنك السعودي للاستثمار برضوا ( كول سنتر )
بس رفضته وكنت مثلك متردد واستخرت وقلت ( الله يغنيني بحلاله عن حرامه )
وقبل امس يوم الاربعاء جاني اتصال من شركة الريادة وقالواتعال بكرة عندك مقابله
وبكل لهفةانتظ متى يجي بكرة علشان اروح للمقابله
يوم رحت اشوف الشباب يجون يعبون اوراق ويستلمون سماعه سألت للي ياخذ الملفات قلت وش الوظيفة اللي طلبتوني فيها قال كول سنتر خدمة عملاء في بنك الراجحي او بنك ساب
الصراحه ضاق صدري شوي علشانه بنك
بس يوم عطيته ملفي ما لقى اسمي في اللسته اللي معه وسألني قال انت سويت مقابله قلت لا قال اجل خلاس استريح علشان الحين بتسوي مقابله لوظيفة ( كول سنتر ) في شركة الكهرب
قلت الله يكثر خيرك
زبدت الكلام اخوي سعد انت توكل على الله واستخر والله كاتبه الله بيصير
وعلشان تتأكد اكثر من الحلال والحرام انت اصلاً موظف في شركة اتصال التابعه لمجموعه الريادة يعني البنك ما يعطيك راتب الراتب تشتلمه من الشركة