اقتباس:
المشاركة الأصلية كتبت بواسطة ضاع العمر
[align=center]
اجل لو شفت المناظر داخل المكاتب وش كتبت !!!
على الاقل المرأة والعجوز الكبيرة بالعمر بكرامتها جالسه على الرصيف بالشارع
لاكن ادخل جوا المكاتب وشوف العجب !!
الموظفات يتعاملون معاهم بالصراخ والصوت العالي والشتم والسب
مثل ( انتي ماتفهمين يا خاله !!! - مافيه ارقام وش بتسووووين !؟ - ) والمحترمة فيهم تعطيها ظهرها وتقولها
ارجعي مكانك )
كل هذا واكثر بكثير شاهدته وسمعته انا بنفسي
معاملة سيئة جدا لكبيرات بالسن تتجاوز اعمارهم 60
والله العظيم في يوم من الايام بكت قدامي وحده من معاملة الموظفة لها خصوصا انها جايه من برى الرياض
انا عن نفسي اجي مع الوالده واخلص شغلها واخليها تنتظر برى بالحوش ولاتشوف المناظر هذي
حسبنا الله عليهم ونعم الوكيل
[/align]
|
لا حول ولا قوة الا بالله
يا الله جد !!؟
أنـآ بصراحة توني ادري عن هالشي ..
وانا متأكد ان المسؤولين ما يدرون عن هالشي ، يا ليت يكون في رقابة اكثر من كذا
يعني فوق ماهم يعانون من انتظار ، و مواصلات ، يلقون معاملة زي كذا !!
بغض النظر عن الاداء الوظيفي ، وين الرحمة تجاه الضعوف ذولي !؟؟
مشاكل وديون وبلاوي وامراض وصعوبة في المجيء واخر شي يعاملونهم كيذا !!
ان كان هالكلام صحيح فارجو من اي شخص مسؤول يمر على هالموضوع ينقل الصورة كما هي للجهة المسؤولة ..
وطبعا (الغرض من طرح الموضوع) ليس لاجل اظهار مساوءهم او سلبياتهم او التشويه ..
بل !! لاجل حل المشكلة بطريقة مناسبة ، بعد ان يتم نقلها كما هي للجهة المسؤولة او الشخص المسؤول
كل الشكر اختي الفاضلة على مرورك النير ، وايضاح بعض الصور.