السلام عليكم ورحمة الله وبركاته اسعد الرحمن المنان أوقاتكم بالرضى والمغفره الموضوع ذو اقطاب مشحونه باللبس والمس بالمختصر انا طالبة انتساب ( عن بعد ) كنت مؤهله الشهر اللي طآف والشهر ذا حُرمت عُنوه من الإعانه بسبب اني مسجله في قاعدة بيانات الجامعه اني منتظمة الموهيم تدآركت الموقف أخذت افادة من الموقع الأكاديمي بأني منتسه ولست منتظمة و اتصلت على حافز .. بلغتهم برغبتي برفع اعترآض وكذا ودخلت الموقع حدثت بياناتي و من ثم ذهبت للمذكور أنفا في خانه الأهليه وسويت اعادة طلب بعد ايام اتصلت على الحافزيين وقالت لي الموظفه شغلك تمام بس روحي لوزارة التعليم العالي عدلي ملفك طبعا ارتسم على وجهي فيس تعجب كبر طويق قلت لها جملتين انا اخذت افادة من الجامعة وذكر فيها اني منتسبة وفي موقعكم المذكور اعلآه خص في الأسئله المكرره تقولون ان الوشسمه الخطأ منكم وانا مانحتاج نراجع المصدر ردت علي تين موضوعك يخلص بسرعه روحي لوزارة التعليم العالي وكررت على مسمعي وانا في حاله ذهول ... نفس جملتها ... الموهيم الموضوع أخذ ابعاد ثانية وانا ما ابي اظن في جامعتنا الموقره انها ترفع اسمائنا كمنتظمات وتاخذ بأسمنا مكافئات من التعليم العالي << ياحياة الشقاء وع خبري أن وزارة التعليم العالي مايطرونها الا الطلاب المبتعثين وين اروح ادور لها مكتب في تبوك ×_× واذا حصل اني لقيتهم ورحت لهم وش اقول لهم يفتحون سولآفه و تحقيق ووشسمه <<< هذه المخلوقة خيآلها واسع الموهيم وش السوآة عقب كل اللي صآر طبعا ماذكرت .. بعض التفاصيل للإيجاز <<< ماقصرتي في الشرح تو تفطنين وملآحظة : اذا مرت عليكم كلمه مافيها حرف ( ب ) او اي احرف جنمبه ترى من كيبوردي تسفيت عليه شاي وقام يتلزق ^ ^ كني اطالع فيكم تدققون في الكلمات