اقتباس:
المشاركة الأصلية كتبت بواسطة الفله
استفساري هو :
هل اللي قدم في موقع وزارة التربية والتعليم يكتفي والا يقدم على اللي بالديوان ؟
وهل هي نفس الشي اللي بالوزارة ؟ او تختلف ؟
وهل اقدم في الديوان للوظائف التعليمية ولا يضر تقديمي اللي في وزارة التربية ؟ وهذا اهم سؤال
انا اخاف اقدم على وظائف الديوان التعليمه بعدين افقد وظيفة الديوان ووظيفة وزارة التربية والتعليم الله يستر
|
أخوي الفله
أسعد الله صباحك بالخير
بما انك قدمت على الوزارة وسويت المقابله وكل شئ عدى على خير والحمد لله
الآن عليك بالتقديم في موقع وزارة الخدمة المدنية .....
لأنه قبل كان يوم تسوي المقابله وتنتهي اجراءاتك لازم تاخذ نموذج الخدمة المدنية للوظيفة
اللي انت مقدم عليها ,, ولكن الآن الوضع تغير ونقدر نقول ان شاء الله للأفضل ,,
يعني بدال الغلب اللي كان يصير أول وزحمه وصف سرى الآن تسجل بياناتك بالموقع
وبيصير الترشيح والمفاضلة اكترونيا على حسب بياناتك اللي سجلتها بالنظام واذا انطبقت
عليك الشروط وطلعت نتيجة المفاضلة لصالحك بيطلع اسمك بالجرايد أو بموقع وزارة الخدمة
المدنية ,, وبعد كذا تروح لفروعهم المنتشره بجميع أنحاء المملكة وطبعا الأقرب لديك وتكمل
اجراءاتك عندهم .
كلمة أخيره التقديم حق وزارة التعليم وحق الخدمة المدنية لايتعارضوا مع بعضهم بل كلاهما
مكمل للآخر
أتمنى اني أكون قدرت أفيدكم بخصوص هالموضوع وهذا الرابط للتوضيح بشكل أكبر
http://www.mcs.gov.sa/MCSHIR/index.htm
وبالتوفيق لكم جميعا ً
.
.