السلام عليكم ورحمة الله وبركاته
من زمان وانا ابي أسجل في المنتدى لإعجابي الشديد به
لكن ماحصل وقت واليوم سجلت فيه الحمدلله ومتفائلة فيه خير
عالعموم كتبت الموضوع أبي مشكورتكم القيمة
حابة أسوي مشروع يسوي لي نقله نوعية في حياتي ويصير مصدر دخل لي
راس المال مو محدد لأني حاليا أفكر بمشروع حلو وأقدم على إحدى شركات الفروض
وش تنصحوني بأي مشروع؟؟
والمشروع اللي بتشورون علي فيه هو اللي بيحدد راس المال
أبي مشروع حليو وأقدر اتقي فيه غش العاملين أو بما يعني أأجره على العامل واريح نفسي
لاني بصراحه مقدر على المتابعه والمراقبه
مع العلم اني عاطله وبالرياض ولا لي اي مصدر دخل

وحابه استشيركم بموضوع ثاني
صديقتي عندها 5000 ريال وتبي تزيد راس مالها بس ماعندها افكار ولا لها معرفه بالتسويق وامور الحاسب والانترنت والفوتوشوب وهالاشياء
بايش تقدر تسوي مشروع بهالمبلغ
صراحه هي تدور على قرض ويصير عندها راس مال جيد بس مالقت احد يقرضها
هل فيه جهات او افراد يقرضون مع العلم انها طالبه جامعيه بسنواتها الاخيره وماعندها مانع لو احد يعطيها القرض وياخذ فوائد اكثر من النسب المتعارف عليها

معليش طولت عليكم بس لكم دعوه بظهر الغيب سواء مني او من صديقتي
الله يوفق كل اللي يردون
مدري ليه متفائله فيكم وبهالمنتدى
لكم مني جزيل الشكر