شف أنت وش تقدر تساعد الناس فيه يا اخي ..

يعني مثلا ما تقدر تفتح منتدى سباكة و انت طيّار !!

شف شي تعرف صنعته

اذا انت مبرمج .. خل مثلا موقع تفاعلي .. منتدى او شي زي كذا ..

مثلا تخصص فقط في البرمجة فققققققققققط يعني لا تقعد تتفلسف تحط منتدى اقتصادي منتدى العاب و ترفيهي و منتدى طبخ و ما ادري ايش

خلك مركز على نقطة .. اذا انت شاطر بالبرمجة .. أسعى كل السعي أن يصير موقعك الأكثر شهرة .. في هذا المجال ..

مثلا تقدر تسميه موقع التوفل ( ملتقى المبرمجين العرب ) !! لا تكثر كلام كثير فيه .. فكر بشكل جيد لو بتحط أقسـام في المنتدى خل كل الأقسـام تصب اولا و اخيرا في حقل البرمجة

مثلا لو تبي تفتح منتدى تجاري فيه .. ما يجي كل واحد يعرض فيه مثلا مشروع بط و وز و ما اشبه !! ينصب فقط في التجارة المتعلقة بالبرمجة ..خلك مركز ..

كثر دروس .. أتعب عليه كبداية .. الناس تفتقر للدروس .. خل مثلا عندك منتدى ( البرمجة لغير المبرمجين ) وخله مخصص و بلغة بسيطة للبرمجة للي ما يعرف يبرمج يعني انا كشخص بسيط اقدر اتفاعل معه ..

باقترح عليك مثلا

منتدى لغات البرمجة .. تفتح مواضيع تتعلق بلغات البرمجة .. و الفرق بينها و كذا ...
منتدى طلاب الجامعات .. تخليهم يركزون ع البرمجة
منتدى برمجة تطبيقات الآي فون ..
إلخ .. و لا تكثر ستين الف قسم خل الناس لا تتشتت

بكرة احد يسـأل خويه .. تعرف لبرمجة الابل ؟ علطول لا شعوريا يقول شف منتدى المبرمجين العرب ..

افتح قناة يوتيوب .. و خل الاعضاء يشاركون .. يعني حط اعلان من الي يحب يشارك

حسن علاقتك مع الاعضاء المميزين سواءًا بسعة علم و لا لا
بكرة ما تدري ممكن تحط دورات اون لاين

تجيك بعدها الشركات يختارون موقعك

تحط منتدى طلبات الوظائف و منتدى عرض الوظائف

و الله يوفقك هذا الي جا ببالي

لو اعرف للمواقع كان سويت لي موقع و الله بس الشكوى لله