السلام عليكم ورحمه الله وبركاته
كيف الحال جميعاً ان شاء الله بخير وصحه وعافيه
في البداية لا يغركم اليوزر الحمد لله توظفت والله وفقني
يا اخوان انا ابي اقدم على بنك التسليف عشان قرض الزواج
بس المشكله انهم بدوا يستقبلون الطلبات بالانترنت وبنظام جديد
الي فهمته من الشباب معي بالدوام انهم قدموا بالنظام القديم يطبع الاوراق بالنت
ويقدمها وخلال 14 يوم القرض نازل بالحساب
بس على حظي طبقوا النظام الجديد دوخخخخخخخخخخخخخخه
لي ثلاث اسابيع مقدم بس فيه مشكله ان بيانات الكفيل مقدر اضيفها
بس بياناتي كامله واذا جيت اضيف بيانات الكفيل ما يحفظ
ما ادري هو من المتصفح او فيه خلل بالنظام
انا جربت اكثر من متصفح ونفس المشكله
وبرضوا مو قادر اراسلهم عشان المشكله
انا زواجي بعد شهرين ان شاء الله ومستعجل على القرض
ياليت الي شغال بالبنك او عنده علم عنهم يعطينا خبر
المشكله اني من اهل الرياض بس وظيفتي بالشرقيه ما اقدر اراجع الرياض
لازم اقدم بالشرقية واراجعهم هناك