الله يوفقك

والله الشغل مو عيب ومجالك مطلوب وبقوة خصوصاً إذا اهتميت بالتسويق

انا اشتغل في الجبس بس بشكل ثاني

اشتغل في الجبس للمهرجانات يعني نسوي محلات " دكاكين " بالجبس ونلونه حسب طلب الزبون

شي بيت حجازي قديم - بيت شعبي شرقي - بيت نجدي

والشغله ممتازة لكن العيب فيها انها مواسم

بدينا نفكر اننا نسوي نماذج للبيوت مصغرة لكن للحين ما بدينا والسبب ان اللي معاي كسولين

اتذكر قبل فترة فكرت في هذا المشروع لكن بسبب الوقت خليته للأيام الجاية والحين رجعت افكر فيه بقوة

خصوصاً ان الظروف تغيرت

المشكلة بس في القوالب للحين ما حصلتها ........ في الشرقية

اذا احد يعرف وين الاقيها في الشرقية اكون شاكر ومقدر له

الحوش موجود والحمد لله ....... والتسويق ان شاء الله راح يكون حسب الطلب بنسوي كتالوج

ونلف على المحلات خصوصاً اني اعمل في مجال الدعاية والاعلان فهي لفه مره وحده

والطريقه بسيطه لتصنيع القوالب

انا لفيت في خضرية الدمام وشفت كيف يصنعون الجبس ... يعني اوقف معاهم وبكلمه وضحكه

واقعد الف في المحل اشوف النماذج واشوفهم وهم يشتغلوا وعرفت كيف يسوون الجبس في القوالب


ان شاء الله قريباً وبعد ما اخذ القوالب ابتدي بعد

واعتقد ان مبلغ 6000 ريال تكفي وتوفي ان شاء الله اهم شي الاهتمام بالقوالب المطلوبه

عندنا القوالب المطلوبه حسب المناطق .... مناطق تطلب القوالب التراثية , مناطيق ثانيه تطلب القوالب الكلاسيكية , ومناطق غير تطلب القوالب الجديدة من ورود وتشكيلات تناسب المجالس

الغريب اني لقيت لي صاحبي يطلب صور للشخصيات الكرتونية لغرف الأطفال لكن للحين ما لقى ....

المهم انك بدل ما تجيب لك عامل للتركيب تقدر تتفق مع العمال اللي راح يشترون منك ان لك نسبة من اللي تجيبهم من الزباين واهم شي ان اللي تتفق معاهم يكونوا ثقة وما يلعبوا بذيلهم من وراك

ولو تقدر تتفق مع شاب سعودي انه ياخذ حق التركيب وانت حق التصنيع يكون خير على بركه ان شاء الله

وتى تركيب الجبس مو صعب ابد ...... بس يبي له دقه في التركيب

وتقدر تضيف مع تصنيع الجبس بيع " الخيش " اللي تستخدمه للتصنيع ... " اتذكر الكيلو منه بـ8 ريال كنت اخذه من الخضريه ....... وبعد الواح الجبن بورد ككمية بسيطة لمن يطلب

ربي يوفقك ويزيدك خير على خير يارب