أولا : جب كل شي معك لأن مهوب أكيد تحصل عندهم اللي تبي ..

ثانياً أهم شيء تكثر منه هو السراويل الداخليه والأفضل ان تكون قطن .. وتكثر من الشرابات ترى اذا ماكثرت شرابات تبي تندم لأن غسيل الشرابات متعب ..

يعني بالعربي جب معك أقل شي 10 سراويل قطن و 40 شراب على الأقل والفنايل الداخليه أمرها سهل لأنها ما تتوسخ مثل الشرابات والسراويل .. يعني جب معك 5 او 8 فنايل وبتكفيك ان شاء الله وحتى غسلها سهل ..

الفازلين مهم والبودره بعد مهمه .. عندك بودره الأطفال جونسون أم 15 ريال هذي ممتازه ..

اذا تقدر خذ معك شرشف نظيف عشان ترتاح بالنوم وبعد بيت مخده اللي هو الغطاء اللي تلبسه على المخده عشان يمكن تطيح بمخده وسخه لاقدر الله ..


أهم أهم أهم نقطه هي الجزمات الرياضية وانت بكرامه
وعندك للجزمات أحد هالحلول :
تدفع فيها مبلغ كبير عشان ترتاح وتكون أصليه ..
أو خذ الجزمات العاديه اللي ترتاح لها وكثر منها لأنها مستحيل تتحمل وتبي تنقطع من ثالث اسبوع وتطلع روائح خاااايسه .. يعني اذا بتشتري الجزمه أم 40 ريال خذ لك منها 3 حبات عشان كل اسبوعين تلبس وحده جديده .. صدقني النقطه هذي مهمه وراح تتذكر كلامي لما تصلي ورى واحد لابس جزمه ابوكلب ومطوله عليه انواع الروائح الله يكرمك ونصها مقطع وتنثر على الأرض ..

الله يوفقنا ويوفقكم ويرزق الجميع الرزق الحلال