[align=center]
[align=center]
اخي قمر المحبه

احيي فيك روح التشيجع والاصرار واقتراحك طيب وانا اشاركك بالرأي من ناحية الرزق في هذا المشروع

لكن احذرك واحذر الساده الاعضاء والزوار من مشاكل السيارات الفادحه هناك خبايا وزوايا ودهاليز في هذا

السوق لايعلمها الا الله والراسخين في العلم من الشريطيه الحذر ثم الحذر من هذا السوق الا لمن لديه

خبره مكانيكيه كافيه تخوله من تقييم السياره من النظر وانا اذكرلك بعض المشاكل والاسباب الي تخليني

احذركم منه واعتبره سوق مخاطره .. :

1ـ هناك سيارات تباع تحت المكروفون تاخذها كومة حديد لاتعلم عن مشاكلها وخرباتها الا بعد ماتشتريها

وتبحل بها انت وحظك يا قمحه يا شعيره ولهذا السبب انا اقولك لازم تكون عندك خلفيه مكانيكيه تعتمد عليها

لا تعتمد على كلام الشريطي او حلف الزبون

2 ــ لو فرضنا انك شريت سياره مستعمله من الساحه وحبيت تفحصها من الورش المتخصصه بالفحص في

المعارض هل تعلم ان اكثر الشريطيه وملاك المعارض يتفقون مع اصحاب ورش الفحص من ضعاف النفوس

بمبالغ يوميه وشهريه حتى ينجحون سياراتهم و يتغاضون عن عيوبها ويعطونك شهادة الفحص على ان

السياره سليمه ولا تشتكي الا من حاجات بسيطه استهلاكيه لا تكلفك اكثر من 300 ريال واذا طلعت بها

يومين طلعت لك انواع الخرابات وسئولو مجرب


3 ــ هناك سيارات ياخذونها الشريطيه مصدومه ومنتهيه ويرقعون فيها ويلفقون لها قطع وسمكره وبويه

وينزولونها السوق البعض منها بدون شاصات والبعض منها المكينه بكبرها ملفقه وتباع بسعر رخيص

على محدودين الخبره المساكين الي اذا شافوها يعتبرون انفسهم ذيابه وانهم طاحو في غشيم

وهم ياغافل لك الله .

هذي بعض مشاكل مزاد السيارات الي حبيت انوه عليها والخافي اعظم

والمعذره انا مابي احطم عزيمتكم لكن انا اقول يلزمك الخبره على الاقل في بداية شغلك استعين بشخص

فاهم حتى تتعلم منه وبعدين تقدر تشتغل لحالك اذا كسبت الخبره والله يرزقكم انشاء الله
[/align]
[/align]