احباط محاولة انتحار شاب سعودي قبل قليل طريق الملك خالد

قبل قليل 23 / ابريل / 2012

بعد صلاة الفجر على طريق الملك خالد شمال الرياض في عالم ودوريات واسعاف
والأخير
طلع واحد سعودي يببي ينتحر نزلنا من السيارة الا هو يبكي ويدعي على ......... وطلع ورقة من جيبه يقول علشان ما تقول الحكومة اني مجنون او عندي اكتئاب نفسي انا كاتب اني بكامل قواي العقلية لكن ميت فقر ولا وظيفة وديون ومن ذا الكلام

والعالم كلهم لا لا لا حرام خاف الله تدخل النار وهو ملزم الا ينقز !!
وبعض الشباب الله يرجهم يعلقون يقولون يا غبي وقتك غلط خله مع الزحمة شعب منتهي
وبدهاء من احد افراد الامن وهو يتكلم معه وبأسلوبه لين وصل مسافة قريبة بعدها العسكري انقلب لصقر طار الا هو ساحب الولد من ثوبه وابعده عن حافه الجسر
شخص واحد كان يصور بجواله مسكه واحد من العسكر وهزء فيه واخذ جواله وركبه الدورية

اوكية عطالة وفقر بس الواحد يكون قوي وامله بالله قوي ويعرف ان الانتحار حرام وصاحبه يدخل النار اذا المعلومة صحيحه عندي
لو انت بعت الدنيا والي فيها وتبي تنتحر فكر في والدك ووالدتك وأهلك واصدقائك راح يعيشون بقيه العمر في حزن وهم بسببك

لاحول ولا قوة الا بالله
الله يجازيك يا وزير الخدمة ووزير العمل