أهلين أخوي
إجتيازك للفرست انترفيو لايعني قبولك للوظيفه ولكن يزيد من فرصتك بالحصول عليها
الفرست انترفيو بالعاده تكون انفورميشنال .. مجرد أسئله يبون يعرفون عنك أكثر
السكند انرتفيو راح تكون يامع الفيوتشر مانجر تبعك أو اتش ار متخصص وله سلطه وديسشن ميكر
السكند انترفيو غالبا تكون في الفيلد تبعك .. الله يعينك بينخلونك نخل بمجال تخصصك .. أهم شئ الكونفدنس وعدم الارتباك .. خليك بقمه اناقتك .. لاتبين لهم انك محتاج للوظيفه .. بين لهم انهم هم في حاجتك .. بيع مهاراتك بطريقه سلسه ومقنعه .. الآي كونتاكت جدا جدا جدا مهم .. ناظر بعيون اللي يسألك ولو كنت مظطر تستحضر اجابه حاول تركز نظرك للاعلى او يمين او يسار اهم شي لاتناظر تحت .. خلي جلستك عاديه عالكرسي وانتبه تحط رجل على رجل او تشبك اصابعك .. هالشئ ممكن يعطي اشاره ارتباك او عدم ارتياح ...
خليك ذكي باجاباتك وتذكر دائما وابدا لازم تحفظ السيره الذاتيه حقتك عن ظهر قلب .. أحيانا يطلعون اسئله من السي في بشكل ماتتوقعه ..
بالاخير يمكن يقول لك عندك اسئله لنا .. حاول تحفظ لك كم سؤال ذكي يدل على مدى حرصك على الوظيفه ..
لو ماعرفت جواب معين عادي قول ماعرف عادي الصراحه حلوه ويقدرونها هم اهم شي لاتتفلسف واعطي اجابه على قدر السؤال وبين انك متحمس لاتكون بارد .. تعال على الوقت وجيب معاك اوراقك وخليك مستعد وبالاخير هي ارزاق بيد الله سبحانه
الله يوفقك ويكتب لك اللي فيه الخير