أخوي أرجواني صادق الأنسان ماعنده قوة خارقه ولازم يتعب

لاكن انا أقصد ان التعب هذا أنت مجبور عليه وماحد بيعطيك فرصه تتجادل معه يعني يا تنفذ يا تشوف جزاء أصعب

وهذي طبيعة العسكرية يعني أنت داخل ومتوقع مثل هذي الأمور وراح تعدي مثل اي واحد قبلك تخرج

ماعليك الا انك تضبط النفسية فقط لا غير لأن التمارين هذي اللي بتسويها كلها مدروسه وعارفين ان أي واحد ممكن يعديها

ولا يبيلها قوة خارقه ولا شي أجل الناس اللي تخرجت من دورة الصاعقه والضفادع البشرية ايش نقول عنهم

وهي أيضاً تمارينها مدروسة وعارفين ان اي انسان طبيعي يقدر يعديها وانا ما أتكلم عن الصعوبه او السهوله

ولاكن أنت أنسان دخلت العسكريه وعارف انها متعبه ومقتنع انك راح تعدي ومافي مجال انك ترجع

أعطي العسكريه حقها وأعطي التمارين حقها عشان تستفيد في صحتك وتسفيد من الدوره كلها بشكل عام

عشان ماتتعب في العمل مستقبلاً

وانا حذرت من التمارين الخاطئة لأنها إصابتها خطيره يعني مثلاً تمزق الركبه لاقدر الله ممكن تحرمك من الدوره كلها لأن أصابتها تطول

بالذات ان الواحد يسوي تمارين شاقه يوميا يعني يحتاج للإطالات الصحيحة عشان يخف عليه التعب

وترى تختلف نظرة كل واحد للعسكريه يعني البعض عنده أهم شي يعدي الدوره هذي

ويتعيين وينزله راتب ويعيش مبسوط وكلنا نبي الشي هذا

ولاكن الواحد مدام انه شباب يستغلها من البدايه يدخل أكثر من دورة يطور نفسه وبيستفيد من الأصناف وغيره وغير هذا تفيده في الترقيات أهم شي يعطي كل شي حقه لأنه لو يفكر في البزوطه ماراح يطور نفسه وبيصير مثل أغلب العسكر المكرشيين اللي تحس ماله ومال العسكريه ومحسوب عالبلد عسكري