|
اي واللـه أغليكـ يامجـنــون وأحبــــك
..........
اي واللـه أغليكـ يامجـنون وأحبـك
وشلون ماغليك وأنا أفطرك وأصومك
فكر بجورالعذاب وخاف من ربك
يالظالم اللي يشوف الغبن مظلومك
ارجع لمدحك وأنا في نيتي سبك
قربت للهلوسه يالعنبو يومك
أهيم في عالمك وأضيع واسهبك
لغاية اني قعدت افصل اهدومك
افصل اللبس معجبني ويعجبك
كنه يقول الله يلومه من يلومك
من كان مغرور في حسنه يأدبك
يضيع مع طلتك ويصيرمنجومك
حلفت لاشعل قصيدي فيك وأشبك
وقبل أحترق فيك تمطر فوقي غيومك
متى تجمل هبوب الشوق وتهبك
ويسوقك الولف لي وتعلن قدومك
ببطي وانا أرواك وأظمأ منك وأصبك
وأشربك وأظماك لكن خذ بمعلومك
اني تبلشت في جرحك وفي طبك
ياهوه حكم ضميرك وأصح من نومك
ارحم خفوق رضخ للذنب وأذنبك
ضاعت علومه مثل ماضاعت علومك
يالبـى قلبك ولبـى قلب من حبك
تدري بحاجه عسى يومي قبل يومك
..........
لـ شــآآعـر : عبدالعزيز الفراااج 
التعديل الأخير تم بواسطة لمسةة إحسأإس ; 13-05-2012 الساعة 01:30 PM
|