السلام عليكم ورحمة الله وبركاته

صراحه يا اخوان انا محتار جدا جداا

عندي عرضين من شركتين الاولى شبه حكوميه لي اكثر من شهرين سويت فحص

والحمدلله اجتزته بنجاح واوراقي عند الاداره والى الآن ما وقعوها وكلمتهم قالو خلال اسبوعين

من اليوم بيردون لي خبر نهائي بالقبول من الاداره او الرفض

والثانيه شركه خاصه ( رقوق ) عمليات حفر ودوامهم شهر باسبوعين في البر او البحر 12 ساعه

متواصله يوميا والراتب ضعف الشركه الاولى + امكانيه الترقيه لمنصب اعلى خلال سنتين

المشكله ان الشركه الثانيه طالبيني بكره اوقع العقد + الفحص الطبي وانا محتار مره

اخاف ارفض وانتظر الشركه الاولى ويرفضوني الاداره بعد بكذا اخسر الوظيفتين

او اني اقبل ويقبلوني الاولى وبكذا اندم

لان تعرفون شركات الرقوق دوامهم تعب وما ينفع اذا الشخص تزوج

وانا افكر مستقبلا ...

افيدوني جزاكم الله خير لي اكثر من سنه عاطل بدون وظيفه

وسوري ع الاطاله