الاياسديدالـراي لاهنـت ويـش الــراي **** ترا الفكـر شتتنـي والاعصـاب منهـاره
على صاحب ٍ حُبـه سبـب علتـي ودواي **** مضالـي شهـر وانـا اتـردد علـى داره
انا لامتى في شارع الزيـن رايـح جـاي **** تنقدت في نفسـي وشكـوا هـل الحـاره
احبـه ومـن حُبـه تبرعتلـه بعـضـاي **** بقلبـي ومعلوقـه وابعقـلـي وبفـكـاره
وانا عارف ٍ في خافقـه ماحـد ٍ مسـواي **** شعـورٍ تبادلنـاه 0والـحُـب بـاسـراره
لكن الغضي حساس والحرص جاب اقصاي **** وصار الخلاف 0وشوفـة النفـس غـراره
ورماني بعد مازيـن ابليـس لـه مرمـاي **** رماني رمايـة طُعـم فـي خيـط سنـاره
انـا مطلبـي ان كـل ليلـه وهـو ويـاي **** وهـو لولـوه مكنونـة ٍ وسـط مـحـاره
وكبرت معي واقفيت 0والشوق قص ارشاي **** وهـو ياحسافـه نطّـح الغـاره الـغـاره
انا دايم ٍ اخطـي ويصبـر علـى عجفـاي **** ويعتب على تاره 0ويرضـى علـي تـاره
وذلحيـن مـدري ليـش ماهمتـه فرقـاي **** عسـى ماتغيّـر نهـج حُـبـه ومـقـداره
انا لو اشوفه بعتـرف لـه بكـل اخطـاي **** علشـان يعذرنـي والاجــواد عــذاره
والا يابـن عسكـر ياصديقـي ويامشكـاي **** طريق الغـرام اشـوف فـي جنتـه نـاره
تنشد وعطني العلـم عـن غايتـي ومنـاي **** ترا كنـك جايـن بـه اذا جيـت بخبـاره
عبدالرحمن بن بديع