بارك الله فيك اخوي بيري الهواجر
تم عمل المقابله وكانت مقابله جداً بسيطه ،،
عرف عن نفسك من وين وين تشتغل ويش تعرف عن وظيفه استقبال
شاف شهادتي دبلوم تسويق قال لي ويش الفرق بين وظيفه استقبال ووظيفه التسويق
وقال لي كم راتبك في وظيفتك الحاليه ،،
وتكلم لي شوي عن مدينتي يقول لي زوجتي اشتغلت هناك 9 سنوات مدرسه وعندي معارف هناك واحنا حبايب ،،
وقال لي ويش اللوشن الي تستخدمه !!!
قلت له اي لوشن ؟!!! قال لي يدك بارده قلت له لا ماستخدم شي غير العطر فقط لاغير
ودردش معاي عن مدينتي وكم اخو عندك ودردشه عاديه
وقال لي لو كنت استقبال كيف تعاملك مع الجنس اللطيف ؟
قلت له اتعامل معاهم مثل خواتي قال لي ادري مثل خواتك لاكن كيف الطريقه ؟
قلت : لما تجي لي بنت اقول لها تفضلي اختي كيف اقدر اخدمك ،،
قال لي حلوو حلووو ممتاز تعامل ممتاز
ودردش معاي عن وظيفتي الحاليه ويش طبيعه عملكم وهييك
وقال لي تعاملك حلوو ومبين انك طيب وقال لي خلاص النتائج على يوم الاثنين ان شاء الله
اذا توفقت راح يجيك اتصال يوم الاثنين تجي تشوف العرض الوظيفي على خير ان شاء الله
انا حالياً على راس عمل لو يجيني عرض وظيفي براتب اقل من راتبي ماراح اوافق نهائياً وثاني شي اذا ماكانت وظيفه رسميه ماتنفع
انا حالياً على رأس عمل ننتظر عرضهم الوظيفي ونقرر بعدها ،،
تحياتي لك وبارك الله فيك
الله يوفقك ويرزقك الي تتمناه