اقتباس: المشاركة الأصلية كتبت بواسطة عابر الطيف هي كلها دبلوم ادخل التقنيه ابرك من دفع هالمبلغ..! بحكم اني درست بكلية التقنية ونيوهورايزن الا اشوف نيواهيزان افضل بكثير ب اسباب .. نيوهورايزن : تدرس يوميا من السبت الى الاربعاء 5 ساعات متواصلة وبريك بين المحاظرة ساعه الا ربع التقنية : المحاظرة الاولى تبدا الساعه 8 !! ونيواهيزن 9 . المواد .. التقنية : 7 مواد بالترم فية بريك ساعه ساعتين وربما ماتخلص المحاظرة الاخيرة الا 4 العصر او 5 او احيانا المغرب !! نيوهورايزن : يسهل عليك الترم بـ خطتين ( الخطة الاولى 3 مواد وشهر ونص واختبارات نهائية وتفتك منها ) " اجازة اسبوع " الخطة الثانية 3 مواد وشهر ونص واختبارات نهائية وتفتك منها = صارو 6 مواد بالترم احسن من تدرس 6 مواد وراء بعض واختبارات وقروشة الاختبارات .. التقنية : يجيك اي يوم يقولك يلا اختبار من 10 درجات !! طيب ماذكرت استاذ و و و نيوهورايزن : خلال الـ شهر ونص اختبار شهري يحدده لك المدرس .. وبعدها باسبوع اختبار نهائي والسلام خير الختام .. الزي ، التقنية : تيشرت ابيض !! وبنطلون اسود عاد البس جزمة علشان الجنز في ذا الحر .. اعوذ بالله ( تكرم ) نيوهورايزن : البس اللي تبغاه ثوب بدلة جنز تيشرت الهلال مايقولك شي لو سروال سباحة > لاتتهور امززح هذا اللي درسته بالكلية التقنية في شهرين وفصلت بعدها لاني مريت بايام نفسية والله العظيم لامواقف زي الناس للسيارات ولا نظافة زي العالم ولاقاعات مكيفاتها تبرد وكانت القاعه تحمل اكثر من 30 طالب !! طيب ليش .. امما نيوهورايزن بالكثير 15 طالب ومكيفين اسبلت وكمبيوتر وكرسي متحرك .. هذا كلامي عن اللي بالرياض عاد مدري عنكم في المدينة