انا موظف في شركه مشهورة جدا في ابها وعملي رئيس وردية اداوم 8 ساعات براتب 2100 ولا في اجازه نهائيا ولا سكن ولا مواصلات مافي الا دوام والا الباب يوسع جمل الحمد لله على كل حال ماجيت ابغى اشكي لكم ظروفي او حالتي لانه يقول الشكوى لغير الله مذلة بس انا رئيس نوبه او ورديه وراتبي 2100 فكم بيكون راتب الحارس ؟؟
لا وازيدك من الشعر بيت اللي يتأخر يحسب عليه حسم يوم واللي يغيب يحسب عليه 3 ايام واللي يغيب خميس وجمعة يحسب عليه اليوم بخمسة ايام واللي يتغيب مع الراتب تكون الكارثة اليوم بعشرة ايام واللي ينسحب عاد ادهى وامر بخمسة عشر يوم اذا بغيت تشتغل اضافي يحسبون اليوم بخمسين ريال واذا استأذنت يحسم عليك 70 ريال في اليوم بصراحة لي فيها شهر الحين والله كأني اداوم على وجهي والله ماهمني الدوام والتعب بس همني ذولا المساكين لازم الواحد يغيب ويتأخر ويقول المدير اخصم عليه والا خصمتها عليك وعليه ؟مامعي الا اسوي عملي وان شالله انهم يعذروني بس
انا يوم شفت رواتبهم هانت علي مصيبتي المشكله ان اكثر الشركه تصاريح يعني مو ببطاقة احوال تصريح ماتدري كيف التصريح مزور ولا حقيقة ؟

المهم مانقول غير الله يكون بعون الشباب السعوووودي والله انهم مكافحين بس مالهم من يتابعهم الواحد يواجه اقسى الظروف وهو ساكت اهم شي يلاقي اللي يمشيه يومه