السلام عليكم

طولو بالكم يالربع التقرير طويل اكثر من 1000 صورة (( وترى إعداد تقرير شيء صعب انا في نيتي اجيب من بين السطور الاشياء الي تنفع الشباب اللي بيروحون للصين -------- اقول طولو بالكم ))

الحلقة 2

نزلت مطار كوانزو وانا اشهد انه سوق تجاري مو مطار مستغلين كل شي وكل شي يفتح النفس وانا مع الخيل يا شقرى مع الناس يمشون وانت امش معهم والمسافرين اغلبهم عرب فلن تتورط بتمشي لين تطلع عيونك :

1. [align=right]
2. في الطيارة يعطونك ورقتين تعبيها بالانجليزي ( طبعاً اسال جيرانك )
3. تمسك سرا في الجوازات والنظام يكسر الحجر ( تمش صح ) واذا انت رجال ساقط
4. توقف عند الكونتر يصورونك وتختم الجواز وتنزل للعفش ( بصمة العين )
5. تستلم العفش وتمشي ممكن تتفتش على الجهاز وممكن تمشي انا فتشوني طبعاً مطوع شبهه بس ما احد يكلمك كل شيء اشارات (( واللبيب بالاشارة ) ممكن يضربُ
6. ماتكلم اح ولا احد يكلمك تمشي مع الناس
7. طبعاً كان في انتظاري مترجم اسمه يونس صيني ابن حلال ماسك ورقه مكتوب فيها اسمي
8. ركبنا في سيارة الشركة الناقلة ومشينا للفندق المحجوز مسبقاً

[/align]
ملاحظات :
اي واحد يبي يروح للصين لا يروح على عماها الناس هناك ما يعرفون الا صيني فقط قليل اللي يتكلم انجليزي وحتى انجليزي مكسر زي حالتي لكن عامة الناس التكاسي والمحلات وكل شي صيني ( المترجم مثل الاكسجين في الصين ) والمترجم يتكلم عربية فصحى بتتورط مع المترجم لكن ارحم من الصيني وهذا سيؤثر على ثقافتك في اخر الرحلة اصبحت عربي فعلاً .
طبعاً كان تنسيقي مع الشركة انهم يستقبلونني في المطار وهم يحجزون لي غرفة صغيرة في فندق بسيط لاني لن ادخلها الا للنوم فقط ((( واي خدمة انا موجود ارتب رحله محترمة من المطار للمطار ))) على حسابك طبعاً
وصلت الفندق وصليت انا والمترجم الظهر والعصر انا اقصر وهو يتم طبعاً ما تضيع القبله شغل البوصلة في جوالك واتجه غرب وشوي جنوب وصل الله يتقبل هذا في جميع الصين
الصور الى الفندق طبعاً

ديره تفتح النفس


كل شيء اخضر في اخضر


السواق والمترجم السيارة فان للركاب تابع للشركة اللي اتعامل معها
يعني بلاش




تخبرون الصين تعدوا المليار نسمه فكل شيء عندهم طويل الا البشر






نهر والعجيب اللي ما دخل مخي المتروا يمر من تحت النهر






والبقيه تتبع ان شاء الله الى المعرض قبل المغرب في نفس يوم الوصول