يمكن لان الاجانب رواتبهم اقل الاجنبي مايهمه الراتب لانه بيطلع اضعافه بطريقته 00شوفي صارت لكثير اي منشاءة فيها اجانب مايقبلون بلسعودي بينهم ويطيرونه بااحقر طرق الاستفزاز والغدر
صار لي موقف قدمت على شغلة بقصر زواجات قهوجية دوري اسوي ثلاجات القهوة والشاهي طول الليل قرابة ستين ثلاجة كل شوي اللي تفضى اعبيها والله شي مرهق جدا
القصر كله اجانب جاويات مباشرات وغيره بلمطبخ والباقي يمانيات بباقي القصر يوم دخلت كل وحدة قلبت ووجهها يقولوا بااستهزاء غريبة سعودية ويتريقوا على السعوديين وانا ساكته اصلا عقلي مع عيالي صغار بلبيت ماهمني بكلامهم 00 وعارفة انهم يستفزوني عشان اترك العمل
والله يوم وصلوا اهل الفرح جايبين اغراضهم للضيافة بن هيل حلويات عصيرات بسكوتات للمعازيم بكراتين واوصوهم عليها الا والعاملات يتناتشوها كل وحدة تعبي كيس وتدسه قالوا عبي لنفسك قلت شكرا ماابي 000 قاموا يطالعوا ببعض بنص الفرح خلصت المقاضي جات ام العريس تهاوش وين المقاضي صرخت فيها المسؤؤلة الجاوية انا مايعرف انتي مافي جيب كويس ارسل رجال يجيب وحوست اهل الفرح والله حزنوني بس ماني قادرة اتكلم 00
انتهى الفرح وانا منهارة بس متحملة انتظر الستين ريال يوميتي الا وهي تقلي غسلي الثلاجات كلها والفناجين والتباسي ووو اتخيلوا تتكلم بااهانة واحتقار قلت طيب فيه بنات لغسل الاغرض مو شغلي اصرت وافقت وغسلتها انا اشتغل وهم قاعدين يطلعوا اللي دسوه ياكلوا ويضحكوا ويتقاسموا بااكياس يعبوها
خلصت 00 الاوهم ياشروا لبعض قالت البلاعة مسدودة سلكيها استغربت قالت بسرعة لا المويه تعدمناولاهي مسدودة ولاشي واستلمتني الين الشمس تبي تطلع 000
وحنا خارجين سالتها وين يوميتي اعطيتي الكل الا انا قالت بعدين بكرة ومشت وسابتني تخيلوا صابرة طول الليل انتظر الستين واحلم وانا اشتغل ايش اشري فيهم مقاضي لعيالي وماتعطيني
ثاني يوم اتصلت بصاحب القصر وقلت ماابي الشغل قال كنت متاكد ماراح تستمري مافي سعودية تستمر قلت لا يااخي انا قد الشغل بس العاملات قاطعني وقال ادري طيروك زي غيرك طيب ايش اسوي الاجانب مايبون احد معاهم مري خذي فلوسك والله يعطيك العافية
هذه القصة تفهمون بها الاجنبي وعمله عندنا لكن الله لايسامح اولياء الامور اللي ساكتين على وجود الاجني ويبدوه بلوظايف واوصلونا لهذا المستوى