اقتباس:
المشاركة الأصلية كتبت بواسطة هولان
مساء الخير اخواني الاحباء
ابي تخصص انتساب
وابي يكون له مستقبل حلو او تكون مجلاته واسعه وكثيره مثل مجال الصحه والتعليم
الله يعطيكم العافيه اخواني ارجو افادتي
|
مساء النور
افضل تخصصين بجامعة الملك فيصل بالانتساب المطور حتى تاريخ اليوم هو
ادارة الاعمال
اللغة الانجليزية
اقتباس:
المشاركة الأصلية كتبت بواسطة هولان
وايش احسن جامعة الملك عبدالعزيز اللي في جده او الملك فيصل اللي في الاحساء بنسبه التخصصات
الانتساب
وشاكر لالله ثم لكم .
|
انا ما ادري عن تخصصات جامعة الملك عبدالعزيز لكن من شروط جامعة الملك عبدالعزيز انك تخصص عن طريق المفاضلة بعد انهاء اول سنه تحضيرية اما الملك فيصل تتخصص من اول يوم تسجل فيه.
انا اشوف ان:
جامعة الملك فيصل افضل جامعة للانتساب المطور
جامعة الملك عبدالعزيز افضل جامعة للانتساب التقليدي
ولما تقولي طيب كلها الحين من افضل الجامعات وش اختار منها:
بقولك/ على حسب رغبتك
- اذا تبي تتعلم عن طريق المحاضرات وتستغني عن التقويه اللي بالمعاهد قبل الاختبار وتسجلك درجة لحضور هذي المحاضرة وتبي درجات للواجبات ودرجة للمشاركة علشان تساعدك بالنجاح وتبي جامعة توفر لك مقر اختبار بكل مدينة ومحافظة وبدون رسوم. نقولك سجل بتعليم المطور بـجامعة الملك فيصل. ولا تنسى انك بتدخل الاختبار وانت ضامن 30 درجة يبقالك 30 درجة من 70 درجة على النجاح.
- واذا بتقول لا والله مو فاضي للكمبيوتر ومابي درجات حضور ولا مناقشات ولاواجبات وابي الدرجات كلها بالاختبار النهائي وتروح للمعاهد علشان تقويه قبل الاختبار ومدرسين خصوصين وخساير قبل الاختبار نقولك سجل في جامعة الملك عبدالعزيز بالانتساب التقليدي. ولا تنسى الاختبارات بجامعة الملك عبدالعزيز بس السنة التحضيريه موزعه في كم مدينة وبرسوم لترمين فقط وبقية الـ 6 اترام بتكون في جده عاد شف كم بتصرف بجده وقت الاختبار والسكن اللي يالله تلقاه لان الطلاب بينكبون بجده وبيكون موسم لرفع الاجارات (انا مو متاكد من مراكز الاختبار بس كما سمعت انها ترمين فقط موزعه ياليت احد ياكد لي صحة هذي المعلومة). ولا تنسى انه يبيلك ممكن 60 درجة من 100 درجة بالاختبار للنجاح.
اشوف جامعة الملك فيصل افضل من جامعة الملك عبدالعزيز ادارياً.
واشوف الانتساب المطور افضل من التقليدي بالتحصيل العلمي.
واشوف ان تكاليف الانتساب بالمطور بجامعة الملك فيصل اقل من ناحية التكاليف.
واشوف ان النجاح بجامعة الملك فيصل بالتعليم المطور اضمن من جامعة الملك عبدالعزيز بالانتساب التقليدي << بس ترى هذي النقطه البعض يختلف معي ويقلول الملك عبدالعزيز اسهل وانا مو مقتنع بكلامهم, لاتحصيل علمي ولا راحة نفسية, هذا والله اعلم...
تمنياتي لك بالتوفيق....