الليله هذي واضحه ليلة أفراق ... حاولت اعديها وعيًت تعدي
أظروف مانتطاق ولا راح تنطاق ... صد القدر ماهو بصدك وصدي
تعال أخذني بين اياديك مشتاق ... قبل انتفارق حط يدك بيدي
بجلس معك ساعه حبايب وعشاق ... من بعدها كيفك ولو صرت ضدي
فيني خليط اشواق بشواق بشواق ... واصل معك من كثرت الشوق حدي
ودي ألمك واحضنك حضنت عناق ... ياشيب عيني كل ما قلت ودي
فى خاطري.. وش خاطري؟ خاطري ضاق ... الكون كله ضاق ماهو بقدي
حتى الدموع اللى أستحت كبر واخلاق ... تساقطت من فوق خدك وخدي
لوحة شعر تبكي على بيض الاوراق ... بيًحت فيها من ردى الحظ سدي
ليلة جفا وافراق مامثله افراق ... حاولت اعديها وعيت تعدي