اللي خفاني يـوم مصيـري اقـراه...
الصبر حاظر حيـل مابـه كلوفـه
بعض العرب لاضاق وقتـك بتلقـاه...
وبعض العرب بالحيل عجل ٍ نكوفـه
والبعـض ياجعـل الردييـن تفـداه...
حـر ٍ تنومـس بالفعايـل كفوفـه
وبالبعض مايوجد أبد مـن حلايـاه...
والبعض دبلة كبـد بالفعـل شوفـه
جيده ليامـن دبـر الرجـل يقفـاه...
خل العلاقـه معـه دوم محفووفـة
وراع الوفى ياتي على كل مشهـاه...
ونضيق لـ أبطـت علينـا طيـوفـه
لامنك حطيته على الجـرح يرفـاه...
خوته تشـرى ماعليهـا حسـوفـه
والا الـردي ماهمـنـا لافقـدنـاه...
ننسـاه بالقـوة ونحـذف حروفـه
ومن مدنا بالطيب بالطيـب نجـزاه...
ومن خصنا بالشين يارد حتووفـه
ومنهو تعنا قبـل ياصـل وصلنـاه...
سلوم أهـل الطيـب دوم معروفـة
ومن دبر بوقتـه واقفـت مطايـاه...
بـدون أعـذار ٍ تبيـن عـزوفـه
يروح وياخذها عهـد انـي انسـاه...
مراح جـدي اليوم جعلـه ذلوفـه
ما أعـرف القصيـدة لمين
بس أعتقـد لناصـر الهاجــري