إدارة الأعمال بالإمام
طبعاً مايحتاج أتكلم عن هالقسم
ومحد داخله إلا أكيد راغب فيك
طبعاً الوظايف اللي تطلب هالقسم ,
بالإدارات مثل إدارة التسويق والمشتريات والمخازن و العلاقات العامة
والمنشآت المالية والمنشآت الصغيرة والسياسات الإدارية والتجارة الإليكترونية
وهذا اقتباس لكلام شابور عن القسم إقتباس » قسمنا ادارة واقتصاد وبأخر المستويات ينفصلن عن بعض ويعطونك الخيار تكمل بالأقتصاد او بالأدارة
إقتباس »
بالنسبة للنصايح , قسم جميل للناس اللي يحبون الرياضيات والأحصاء
والتحليلات الأقتصاديه , يعني اللي مايعرف 5 ضرب 5 كم لا يقرب لهالقسم
واللي مايحب يسوي احصائات وحسابات وامور اله حاسبه وجذر وأس تربيعي وتكعيب وهالأشياء , احسن له يبعد عنه
ويردفونه طبعا بكم ماده كذا عن فن الأدارة وفن التعامل مع الناس
وايضا يردفونه ببعض الأحكام الشرعيه اللي تتركز بالبيع والشراء والتأجير والتقسيط وهالأمور
مجالات الوظايف \ حنا ميزتنا بالسعوديه ان مافيه احد يتوظف فعليا على شهادته 
الا الطبيب والظابط
يعني ممكن نلقى واحد متخرج من كلية زراعه ويشتغل بوزارة الماليه عادي
طبعا مافي شك ان الأدارة والأقتصاد بشكل عام وظايفها وشهادتها مطلوبه بشكل مقنع , لأنها مافي شركه او قطاع بهالدنيا الا يقوم على حسابات اقتصاديه , وامور اداريه
وهالثنتين مختصه بهالقسم دايم , فدائما حاجتك له موجوده ومستحيل تستغني عنها اي شركه
نوعية الوظائف ان جيت كواقع فهي تعتمد دايم على الأمور الأداريه والأشرافيه والتنظيميه والحسابيه ايضا , او التحليل الأقتصادي مثل اللي يحللون اسهم بالجرايد والقنوات , مجال وظايفه وسيع جدا مستحيل يحصر لأنه داخله بأكثر من شي
المحاسبة .. طبعاً بجميع الجامعات
هدفه ورؤيته بالتدقيق بالامور الماليه والحسابيه ..
من مجالات التوظيف فيه
المحاسبة المالية وتحليل التقارير المالية والمراقبة المالية ومحاسبة التكاليف
والإدارة المالية ومحاسبة الزكاة والتركات
قسم الاقتصاد برضو بجميع الجامعات
الاقتصاد تقريباً شيء أخص من ادارة الأعمال ..
ومجالات التوظيف فيه ,
التحليل الاقتصادي الجزئي والكلي واقتصاديات القطاع الحكومي والاقتصاد الدولي
المصارف والأسواق المالية واقتصاديات العمل
_________
منقول
بآالتـوفيق 
،