:


السلام عليكم


انا معاكم بالحصاه تخصصي صعوبات


اللي قاهرني ماكتبو اسم المدارس


مايكفي الهم اللي احنا فيه


المعلومات الاكيده اللي عندي هي كالتالي :



الحصاه تبعد عن الرياض 350 كيلو


الحصاه تبعد عن القويعيه 170 كيلو


الحصاه تبعد عن الرويضة 140 كيلو


اللي اعرفه ان طريقها بعد القويعيه وقبل الرويضة بعشرين كيلو تاخذون المخرج يسار


واللي اعرفه عن المنطقه انها نائية جدا جدا


ولها هجر كثيره واقرب هجره 25 كيلو وابعدها 300 كيلو


حسب موقع دليل المدارس ان لها اربع او خمس مدارس كل مدرسه تقول الزود عندي في البعد عن الثانيه



هذي المعلومات اللي عندي عن الحصاة



نجي للموضوع الاهم


انا على جريف وشكلي بنسحب من الوظيفه


الوضع صعب


وين نسكن فيه اذا قلنا القويعيه فتبعد عنها بس 170 هذا من غير الهجر اللي مدري وين رامينا فيها


وان قلنا بنسكن بالرويضة فهي تبعد عنها 140 كيلو


مشكلة خط الحصاة انه وعر جدا صح مزفلت لكن يسمونه طريق الموت


مابي احطم احد بس الوضع صعب يابنات


عطوني حل ماصدقت اني توظفت بس ماتوقعت ابد اكون بالحصاه



ترا ماقدامنا الا اسبوع بس والسبت اللي مو الجاي اللي بعده بتبدا الدراسه


وين نروح وين نجي وكيف الوضع


انا ختي عينوها بالارطاويه


يعني شوفو التشتت الاسري كيف


مين يروح معاي ومين يروح معاها



يارب الفرج



: