اللي يقهرك انه اغلب الوظايف يبون واحد موظف واضح من الاعلان اجل كل من أعلن عن وظيفة قال نبي خبره ١٠ سنوات وفوق هذا قد توظف بمكان اشرافي والعاطل ماله ربي ترى في ناس ماجستير عاطلين ودكتوره بعد !!
بصراحه شيء يفقع القلب بصراحه اذا على ذا الحال متى راح نتوظف اذا الحلقه ضيقة تدور بينهم بين موظف وموظف وش استفاد العاطل واللي مامعه خبره " يقشر بصل يعني " والله شيء غريب نظام التوظيف عندنا ماقلنا نبي نتوظف مدراء بس عاد مو كذا نظام التوظف عاد واللي يقهرك بعد يقولون اسباب البطاله الشباب مايبي يشتغل !!
طيب عدلوا الحافز بالوظايف القطاع الخاص وساعات العمل والاجازات بعدين تكلموا اما الدعوه بس العباره المستهلكه هذي" الشباب مايبي يشتغل " وبس والله اذا استمرينا كذا عزالله انه مافيه امل نتوظف اذا كل الدعوه " واسطه وبطانه فاسده "
بس مانقول الا املنا بالله كبير ثم بخادم الحرمين الشريفين