السلام عليكم ورحمة الله وبركاته

بدون مقدمات ( لاني لا اجيدها )

تعرض احد الاصدقاء لحادث مروري
وتعرض لاعاقة الله يشافيه

المهم بالموضوع انه انعزل عن العالم
قفل جوالاته
ساءت نفسيته
حتى اخوانه اقول وصلوني له ابي اكلمه
ويقولون انسى ما يبي يكلم احد

طبعا جلست مع نفسي وفكرت فيها
ليش ما اشوف اهل الاحتياجات الخاصه بالاسواق والشوارع ؟؟

انا بصراحه ما ادري هل هم قلة قليلة جدا لدرجة انهم نادرا ما نشوفهم ؟؟
او انهم منعزلين عن العالم ؟؟

ابحث عن اجابه لهذا السؤال

المعاق هو جزء من المجتمع
والمفروض يعيش في المجتمع زيه زي اي فرد
ويآخذ جميع حقوقه من تسهيلات وتجهيزات لهم في الاماكن العامه
اختفاءهم عن عيون الناس تجلعهم منسيين
ظهورهم امام الناس يساعد العامه للتأقلم والتعامل معهم وتوفير حقوقهم

والاعاقه ما تعني نهاية الدنيا
العالم ستيفن هوكينغ وصل للي ما قدر يوصلون له اللي في كامل قواهم وصحتهم


انا اوجه رسالة لأصحاب الاعاقات اللي يخفون نفوسهم
اثبتوا وجودكم
عندكم كثير تقدرون تقدمونه
العزله قااااااااااااااااااااتله
صديقنا هذا لا زالت معزته في قلوبنا
نشتاق لسوالفه وضحكته
اعتقد ان تفكيره وطبعه ما تغير لانه ما عاد يقدر يمشي
لكن هو احرمنا شوفته واحرم نفسه من الجمعه معنا

أسأل الله الشفاء والعافية لكل معاق