اخواني واخواتي ...ساعدوني بالحل بقول لكم قصتي وساعدوني شووو اقدر اسوي انا كنت موظفة بمستشفى لمده خمس سنوات ولكني ماكنت مرتاحه من الاداره فسعيت للبحث عن وظيفة اخرى لعلها تكون افضل وايضاً براتب اعلى وخصوصاً ان راتبي من المستشفى ضعيف وكل سنه اطالب بزياده بالراتب ولكن يقابل طلبي بالرفض ..مضت خمس سنوات وانا على نفس الراتب بدون زيادة تذكر ....وكنت متمسكة بوظيفتي بالمستشفى لين القى وظيفة ثانية لاني عارفة لو تركت المستشفى مو بسهوله راح القى وظيفة ....المهم رزقني الله بوظيفة اخرى وفرحت كثيراً كونها اقرب والراتب اعلى ..وتم توقيع العقد .. بعد ان تطمنت بتوقيعي للعقد قدمت استقالتي للمستشفى واخدت مستحقاتي ومشيت طبعاً لم اقدم استقالتي الابعد توقيعي للعقد بالوظيفة الجديده ولكن يافرحة ماتمت داومت شهر واحد فقط ...ويوم استلام الراتب كانت هنا المفاجأه كنا ثلاث موظفات ..اثنتين داومو معي بدون مايوقعو العقد على اساس بيجربهم المدير اولاً ..وانا فقط من تم توقيع العقد معي ...فاجأنا المديره بكلامه انه يريد منا التوقف عن العمل بحجه ان المكان ليس موهيأ كلياً لعمل النساء وان مكتب العمل لو جاء وزار المكان لربما يكتب عليه مخالفة ...تفاجأت انا ونصدمت صدمه كبيره قلت له كيف ....ونحن نعمل بغرفه خاصة ولوحدنا ..وانا اعترض على هذا الكلام كيف اتوقف عن العمل وانا الان لااملك وظيفه اخرى وانا قدمت استقالتي بعد ان تم توقيع العقد معك ...ولكنه رد علي ان العقد فيه نقطة مكتوب فيها.. ثلاثه الاشهر الاولى فتره تجريبيه .. وانا اقول خلاص ماابيكم تداومون عشان ماياخدون علي غرامه استغل الثلاثه الاشهر التجريبيه التي مسجله بالعقد وحرمنا من العمل انا الحين عاطله عن العمل ...الله لايسامحه ..قطع رزقي من المستشفى ومن العمل معه .... انا محتاجه مساعدتكم بحكم خبرتكم ...شو اقدر اسوي وهل اقدر اطالب بحقي بمكتب العمل ...بماانه بنظره المكان مو مأهل لعمل المرأه ليش وظفنا من الاساس وبماانه هو الي طلب منا الجلوس بالبيت وعدم الذهاب للعمل هل اقدر اطالبه في مكتب العمل بحيث يدفع لي راتب لانه هو من اجلسني بالبيت وليس انا من طلب ذلك ؟؟ ساعدوني الله يخليكم ويش الي اقدر اسويه ؟؟؟؟؟ الله يقطع رزقه زي ماقطع رزقي ...آآآمين يارب العالمين