مرّ من قلبي كثير و يشبهونك عاشقين
ما لقيت آثارهم لكنّ مرّوا من هنا
و يوم مريتي و قفتي توشمين و تنقشين
ذكريات الرحله اللي كلها شوق و ضنا
و الله انك باقيه مهما نويتي ترحلين
و انّك اللي لو بكيتك كانت دموعي ثنا !
السفر يا اللى بديتيه اين يمكن تنتهين
المدى قلبي و لا تلقين غير انتي و انا
كلّ قلبي لك مواني وين ودّك تبحرين
و هذي أحلامك تمدّ كفوفها لك والمنى
لا تشيلي هم بَعد اليوم لا لا تحزنين
و اعزفي لحن الخلود و شوقيني للغنا
جنّتك قلبي و قلبي مِلك لك تستاهلين
بالهنا يا نازله فيه انزليه و بالهنا
ما غويتي .. ما مشيتي في دروب التايهين
استدلَيتي كما الساري على و مضة سَنَا
مليت كلماتك اسرت مشاعري
احترم قلمك وابداعك