اقتباس:
بنآت .. ألله يعافيكم متى التقديم على المآستر بجامعة القصيم ..
ألي تعرف لاتبخل علي فيهآ ..
وكيف التقديم والشروووط .
|
أختي لقيت هذا الموضوع بملتقى طلاب جامعة القصيم يفيدك إن شاءالله
لكن لازم يكون معك نتيجة إختبار القياس تسلميها لهم ولا مايقبلوك
اليوم هذا الإعلان معلق بلوحة إعلانات مبنى الدراسات العليا للبنات بالمليداء
بداية أنوّه إنه ماهية التخصصات المطروحة والشروط المطلوبة لكل تخصص غالبا تنشر على موقع العمادة اللي يحصلها يا ليت يضيفها كرد على هذا الموضوع،
أهم المواعيد اللي يسأل عنها بالمنتدى و موجودة بالجدول واللي تهم الطلبة المهتمين بالتقديم على برامج الدراسات العليا،
بداية التسجيل الإلكتروني على موقع الجامعة = 2/صفر/1434
نهاية التسجيل الإلكتروني على موقع الجامعة = 20/ربيع الأول/1434
{حالما تنتهي من تسجيل نفسك إلكترونيا، سيظهر لك زر : طباعة؟ ،،، إطبعه وهذا يعتبر نموذج تقديمك الرسمي وملخص فيه كافة البيانات اللتي قمت بتعبئتها،، توقع عليه ويضاف إلى ملفك، مع وثائقك الأخرى مثل إختبار قياس، توصياتك ....إلخ}
بداية استقبال الملفات في مقر عمادة الدراسات العليا = 23/ربيع الأول/1434
نهاية استقبال الملفات في مقر عمادة الدراسات العليا = 10/ربيع الثاني/1434
{العام الماضي كل تخصص حدد له يوم خلال هذه المدة تسلم فيه ملفات الطلاب المسجلين فيه}
مواعيد إختبار القبول :- تحدده الكليات وينشر تباعاً على نفس موقع الجامعة الذي سجل الطلاب عن طريقه،
{العام الماضي لم تنشر المواعيد في وقت واحد ،بعض الكليات تعلن قبل البعض الآخر لكن لا داعي للقلق كل موعد يضاف لقائمة المواعيد في نفس الإعلان،
إنتبهوا:- إذا تأخرت كليتك بإعلان موعد الإختبار لتخصصك عن الكليات الأخرى ، فهذا لا يعني بالضرورة إن إختبارك بعدهم، صارت فينا بتخصص الرياضيات، فيه تخصصات إختبارهم كان بعد إختبارنا بأسبوع لكن أعلنت مواعيدهم قبلنا}
بداية تسليم إشعارات القبول لجميع المقبولين = 20/جمادى الأول/1434
آخر موعد لإعتماد إعلان أسماء المقبولين في موقع
عمادة الدراسات العليا لجميع التخصصات = 29/جمادى الأول/1434
{ هنا الله يعينكم على حرق الأعصاب، ما فيه تناسب بين موعد الإختبار و موعد إعلان أسماء المقبولين
أنا أتكلم من واقع تجربتي العام الماضي، فيه أقسام تعدت الموعد المحدد ولم تعلن الكليات أسماء المقبولين
قسمنا كان فيه إختبار بس وبدون مقابلة شخصية مثل بقية الأقسام ولكن تأخروا في إعلان الأسماء
أكثر من أقسام أخرى،،
الله يوفقكم جميعاً ويرزقكم القبول في الدنيا والآخرة،،
دعواتكم لي ولزميلاتي، بدأ العد التنازلي لإنتهاء الترم التكميلي لنا، الله يوفقنا ونجتازه عشان ندخل برنامج الماجستير الرسمي،،
بوركتم.
م/ن
إتصلي عليهم وتأكدي لا يفوتك التسجيل وبالتوفيق